Snake in Mitchell Johnson Room: ऑस्ट्रेलियाचा माजी वेगवान गोलंदाज मिचेल जॉन्सनच्या हॉटेलच्या रुममध्ये निघाला साप, शेअर केला फोटो
जॉनसननं पोस्ट केलेला हा फोटो सोशल मीडियावर मोठ्या प्रमाणात व्हायरल होत आहे.
ऑस्ट्रेलियाचा माजी वेगवान गोलंदाज मिचेल जॉन्सन (Mitchell Johnson) लिजेंड्स लीग क्रिकेटमध्ये इंडिया कॅपिटल्सकडून खेळत आहे. इंडिया कॅपिटल्सचा सामना बुधवारी भिलवाडा किंग्जशी होणार आहे. हा सामना भारतरत्न श्री अटल बिहारी वाजपेयी एकना क्रिकेट स्टेडियम, लखनौ येथे खेळवला जाणार आहे. या सामन्यासाठी जॉन्सन सध्या लखनऊमध्ये आहे आणि त्याच्या हॉटेलच्या रुममधून साप निघाला आहे, ज्याचा फोटो त्याने इंस्टाग्रामवर शेअर केला आहे. सापाचा फोटो शेअर करताना जॉनसनं कॅप्शनमध्ये असं लिहिलंय की, "माझ्या खोलीच्या दरवाज्याजवळ साप आढळला आहे." तसेच हा कोणत्या प्रकारचा साप आहे? असाही प्रश्न त्यानं क्रिकेट चाहत्यांना विचारलाय. जॉनसननं पोस्ट केलेला हा फोटो सोशल मीडियावर मोठ्या प्रमाणात व्हायरल होत आहे.