भारत आणि इंग्लंड यांच्यातील पाच कसोटी सामन्यांची मालिका (IND vs ENG Test Series 2024) 25 जानेवारीपासून सुरू होत आहे. दोन्ही देशांदरम्यान ही पाच सामन्यांची कसोटी मालिका 25 जानेवारी ते 11 मार्च दरम्यान खेळवली जाणार आहे. वर्ल्ड टेस्ट चॅम्पियनशिप 2025 (WTC 2025) लक्षात घेता ही मालिका दोन्ही संघांसाठी खूप महत्त्वाची असणार आहे. मात्र ही मालिका सुरू होण्यापूर्वीच एका संघाला मोठा धक्का बसला आहे. या संघाचा एक स्टार खेळाडू मालिकेतून बाहेर आहे. कसोटी मालिका सुरू होण्याआधीच इंग्लंड संघाला मोठा धक्का बसला आहे. इंग्लंड संघाचा युवा फलंदाज हॅरी ब्रूक भारताच्या कसोटी दौऱ्यातून बाहेर पडला आहे. वैयक्तिक कारणांमुळे ब्रूक लवकरच मायदेशी परतणार आहे. इंग्लंड आणि वेल्स क्रिकेट बोर्डाने माहिती दिली आहे की हॅरी ब्रूक वैयक्तिक कारणांमुळे इंग्लंडच्या पुरुष कसोटी संघाच्या भारत दौऱ्यावरून तत्काळ मायदेशी परतण्यास तयार आहे. तो भारतात परतणार नाही. (हे देखील वाचा: IND vs ENG 1st Test: आर अश्विनची हैदराबादमध्ये कामगिरी जबरदस्त, इंग्लडला राहवे लागेल सावध, पाहा धक्कादायक आकडेवारी)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)