UP Shocker: बरेलीमध्ये महिलेला पोलिसांकडून मारहाण; व्हिडिओ व्हायरल झाल्यानंतर कर्मचारी निलंबित (Watch)

बरेली पोलिसांकडून एका महिलेला बेदम मारहाण केल्याची घटना समोर आली आहे. या घटनेचा व्हिडिओ सोशल मीडियावर व्हायरल झाला आहे. उत्तर प्रदेशातील शाही पोलीस ठाण्याच्या हद्दीत ही घटना घडल्याचे वृत्त आहे. पोलीस एका संशयिताच्या घरी पोहोचले, ज्याचे कथित वाहन अपघातामध्ये नाव समोर आले होते. घरात पोलिसांनी महिला व तिच्या मुलाला मारहाण केली. यामध्ये दोघेही जखमी झाले आहेत. या दरम्यान पोलिसांनी महिलेचे केस पकडून तिला रस्त्यावर ओढले. मुलाला घेऊन जाण्यास विरोध केल्याने पोलीस कर्मचारी महिलेला धक्काबुक्की करताना व्हिडीओमध्ये दिसत आहेत. या घटनेचा व्हिडिओ व्हायरल झाल्यानंतर बरेली पोलिसांनी निवेदन जारी केले. या प्रकरणात शक्तीचा मनमानी वापर केल्याबद्दल एका पोलिसाला निलंबित करण्यात आले. या प्रकरणाची चौकशी सुरू असल्याचेही अधिकाऱ्यांनी सांगितले.