Liquor Pipeline: 'आता सरकार घरी देणार दारूची पाईप लाईन', सोशल मिडियावर मेसेज व्हायरल, जाणून घ्या सत्य

आजकाल सोशल मिडियावर कोणत्या बातम्या व्हायरल होतील याचा काही नेम नाही. यातील अनेक बातम्या अशा असतात ज्यांच्यावर विश्वास ठेवणे कठीण असते, मात्र तरी लोक त्या पुढे पाठवत असतात. आताही अशीच एक बातमी व्हायरल होत आहे ज्यामध्ये सरकारकडून चक्क दारूची पाईपलाईन देण्यात येणार असल्याचे म्हटले आहे. यामध्ये नमूद केले आहे की, दारूचे सेवन करणाऱ्या लोकांसाठी पंतप्रधानांनी घरीच दारूची पाईपलाईन देण्याचा निर्णय घेतला आहे. यासाठी खालील अर्ज 11 हजारांच्या डिमांड ड्राफ्टसह पंतप्रधान कार्यालयात जमा करायचा आहे. त्यानंतर 1 महिन्यांनी तुम्हाला घरीच दारूची पाईप लाईन मिळेल.

मात्र आता पीआयबीने या बातमीची पडताळणी केली व ही बातमी पूर्णतः खोटी असल्याचे समोर आले. पीआयबीने ट्वीट करत, अशा गोष्टींबाबत खूप जास्त आशा ठेऊ नका असे म्हटले आहे.