Viral Video: रस्त्यावर वाढदिवस साजरा करणं तरुणांना पडलं महागात; कचरा पाहून पोलिसांनी साफ करून घेतला रस्ता; यूजर्स म्हणाले, हा वाढदिवस कधीच विसरणार नाही, Watch Video
हा सर्व प्रकार पाहून तेथील पोलिसांना राग अनावर झाला आणि त्यांनी या तरुणांकडून रस्त्यावरील विखूरलेला केक व इतर कचरा साफ करून घेतला.
Viral Video: राजधानी लखनऊच्या 1090 चौकातील एक व्हिडिओ व्हायरल होत आहे. यामध्ये ३-४ मुलं रस्त्यावर विखुरलेला केक साफ करताना दिसत आहेत. या तरुणांनी वाढदिवस साजरा करून रस्त्यावर केकची नासाडी केली. हा सर्व प्रकार पाहून तेथील पोलिसांना राग अनावर झाला आणि त्यांनी या तरुणांकडून रस्त्यावरील विखूरलेला केक व इतर कचरा साफ करून घेतला. सध्या सोशल मीडियावर हा व्हिडिओ प्रचंड व्हायरल होत आहे.
प्राप्त माहितीनुसार, 3-4 तरुण बर्थडे सेलिब्रेटी करण्यासाठी 1090 क्रॉसरोडवर आले. या तरुणांनी केक कापून जल्लोष साजरा केला. यानंतर केक रस्त्यावर फेकण्यास सुरुवात केली. हा प्रकार पाहताच गौतमपल्ली पोलीस ठाण्याच्या हद्दीत तैनात असलेले निरीक्षक सुधीर अवस्थी तेथे पोहोचले. इन्स्पेक्टर तरुणांना खडसावत म्हणाले की, ही पद्धत पूर्णपणे चुकीची आहे. त्यांनी तरुणांना रस्ता स्वच्छ करण्याच्या सूचना दिल्या. तरुणांनीही आपली चूक मान्य करत रस्ता साफ केला. सुधीर अवस्थी यांनी युवकांना सूचना देत यापुढे कोणत्याही चौकात अशा पद्धतीने वाढदिवस साजरे करू नका, अशा सूचना दिल्या.