Schools To Remain Closed in Mumbai: मुंबई, ठाणे, नवी मुंबईला 9 जुलै रोजी अतिवृष्टीचा इशारा; सर्व शाळा राहणार बंद
उद्या म्हणजेच 9 जुलै रोजीही मुंबईला अतिवृष्टीचा इशारा देण्यात आला आहे. या इशाऱ्यामुळे, ठाणे, नवी मुंबई महानगरपालिका क्षेत्रातील सर्व शाळा बंद राहणार आहेत.
Schools To Remain Closed in Mumbai, Thane and Navi Mumbai: मुसळधार पावसाने देशाची आर्थिक राजधानी मुंबईच्या गतीला ब्रेक लावला आहे. रविवारी रात्रीपासून सुरू असलेल्या पावसामुळे शहरातील विविध भाग जलमय झाले आहेत. यामुळे अनेक मार्ग व उपनगरीय रेल्वे व्यवस्था ठप्प झाली होती. रस्त्यावर पाणी साचल्याने रहदारीही वाढली होती. आता उद्या म्हणजेच 9 जुलै रोजीही मुंबईला अतिवृष्टीचा इशारा देण्यात आला आहे. या इशाऱ्यामुळे, ठाणे, नवी मुंबई महानगरपालिका क्षेत्रातील सर्व शाळा बंद राहणार आहेत. याबाबत नवी मुंबई महानगरपालिका आयुक्त कैलास शिंदे व ठाणे जिल्हा शिक्षणाधिकारी यांनी आदेश जारी केले आहेत.
आदेशात म्हटले आहे की, ‘9 जुलै रोजी अतिवृष्टी होणार असल्याबाबत इशारा प्राप्त झाला आहे. त्या पार्श्वभूमीवर, मुलांच्या सुरक्षिततेच्या दृष्टीने नवी मुंबई महानगरपालिका क्षेत्रातील सर्व माध्यमांच्या व सर्व व्यवस्थापनांच्या सर्व शाळा उद्या मंगळवार, 9 जुलै रोजी बंद ठेवण्यात याव्यात.’ यासह ठाणे जिल्हाधिकारी म्हणतात, ‘हवामान विभागाकडून वर्तविण्यात आलेल्या शक्यतेच्या पार्श्वभुमीवर अतिवृष्टीच्या अनुषंगाने इ. 1 ली ते 12 वी च्या सर्व माध्यमाच्या/मंडळाच्या शालेय विद्यार्थ्यांची शाळेत ये-जा करण्याची गैरसोय होऊ शकते. याचा विचार करता शालेय विद्यार्थ्यांच्या सुरक्षितेतेच्या दृष्टीकोनातून जिल्ह्यातील सर्व शाळांना 9 जुलै रोजी सुट्टी जाहीर करण्यात येत आहे.’ (हेही वाचा: Andheri Subway Close: मुंबईत पुन्हा मुसळधार पावसाची हजेरी, अंधेरी सबवे वाहतुकीसाठी बंद)
पहा पोस्ट-
⛈️🚨भारतीय हवामान विभागाने मुंबई महानगराला अतिमुसळधार पावसाचा इशारा (रेड अलर्ट) दिला आहे.
🏫या पार्श्वभूमीवर, विद्यार्थ्यांची सुरक्षितता लक्षात घेता मुंबईतील सर्व शाळा, महाविद्यालयांना उद्या मंगळवार दिनांक ९ जुलै २०२४ रोजी सुटी जाहीर करण्यात आली आहे.
आवश्यकता असेल तरच…
— माझी Mumbai, आपली BMC (@mybmc) July 8, 2024
🚨 सूचना: दि. ९ जुलै रोजी अतिवृष्टीच्या इशाऱ्यामुळे, नवी मुंबई महानगरपालिका क्षेत्रातील सर्व शाळा बंद राहतील.#WeatherUpdate#MumbaiRains#HeavyRains#MumbaiWeather pic.twitter.com/e4LAgY88Vi
— MAHARASHTRA DGIPR (@MahaDGIPR) July 8, 2024
ठाणे जिल्हा शिक्षणाधिकारी यांच्या या निर्देशानुसार ठाणे महापालिका क्षेत्रातील सर्व शाळांना उद्या, मंगळवार, ०९ जुलै, २०२४ रोजी सुट्टी असेल. pic.twitter.com/iqtuxGs1yf
— Thane Municipal Corporation - ठाणे महानगरपालिका (@TMCaTweetAway) July 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 08, 2024 10:35 PM IST. For more news and updates on politics, world, sports, entertainment and lifestyle, log on to our website latestly.com).
