Sangali News: कृष्णा नदीत दूषीत पाणी सोडल्याचा आरोप; दत्त इंडिया कंपनीचा साखर कारखाना बंद करण्याचे प्रदुषण नियंत्रण मंडळाचे आदेश

सांगलीमध्ये (Sangali) कृष्णा नदीच्या (Krishna River) पात्रात हजारो मासे मृत्यूमुखी पडल्याची घटना काही दिवसांपूर्वी समोर आली होती. कृष्णा नदीच्या पात्रामध्ये हजारो मासे तडफडून मृत झाले असून परिसरातील नागरिक ते मासे पकडण्यासाठी गर्दी करत असल्याचे चित्र यावेळी निर्माण झाले होते.नदीमध्ये मोठ्या प्रमाणात दूषित पाणी मिसळत असल्याने हे मासे मृत झाले असल्याचा आरोप यावेळी स्थानिकांनी केला होता. याप्रकरणी सांगली इथल्या वसंतदादा शेतकरी सहकारी साखर कारखाना भाडेतत्वावर चालवण्यास दिलेल्या,दत्त इंडिया कंपनीचा साखर कारखाना बंद करण्याचा आदेश महाराष्ट्र प्रदुषण नियंत्रण मंडळानं दिले आहेत. तसेच दत्त इंडियाचा वीज आणि पाणी पुरवठा खंडीत करावा, असे आदेशही दिले आहेत. तसंच वसंतदादा कारखाना चालवत असलेल्या स्वप्नपुर्ती डिस्टिलरीवरही बंदी घालण्यात आली आहे

पहा ट्विट -