RTO Employees Union Calls Off Strike: नागरिकांना दिलासा! आरटीओ कर्मचारी संघटनेचा बेमुदत संप मागे; परिवहन आयुक्त कार्यालयाशी झाली सकारात्मक चर्चा
या संपात 55 कार्यालये आणि 25 चेक पोस्टमधील अंदाजे 1,500 आरटीओ कर्मचारी सहभागी झाले होते, ज्यामुळे राज्य परिवहन विभागाचे दररोज सुमारे 40 ते 50 कोटींचे नुकसान झाले.
RTO Employees Union Calls Off Strike: गुरुवारी संध्याकाळी परिवहन आयुक्त कार्यालयाशी झालेल्या सकारात्मक चर्चेनंतर, आरटीओ कर्मचारी संघटनेने 24 सप्टेंबर 2024 पासून सुरू केलेला अनिश्चित काळासाठीचा संप अधिकृतपणे मागे घेतला. कामगार संघटनेचे सचिव सुरेंद्र सरतापे यांनी कर्मचाऱ्यांच्या प्रश्नांना प्रशासनाच्या प्रतिसादाबद्दल कृतज्ञता व्यक्त केली. मीटिंगचा भाग असलेल्या एका युनियन नेत्याने सांगितले की, प्रशासनाने काही गोष्टी मान्य केल्या आहेत ज्यामध्ये, 30 नोव्हेंबर 2024 पर्यंत वरिष्ठ लिपिक आणि कार्यालय अधीक्षकांसह विविध पदांसाठी सेवा प्रवेश नियमांना अंतिम रूप देण्याची वचनबद्धता, पात्र कर्मचाऱ्यांना तात्पुरती बढती, हस्तांतरण धोरणांमध्ये बदल करण्याचा निर्णय रद्द करणे, पूर्वी स्थापन केलेल्या 15 विभागांमध्ये बदल्यांना परवानगी देणे, यांचा समावेश आहे.
या संपाचा संपूर्ण महाराष्ट्रातील कामकाजावर मोठा परिणाम झाला होता. ड्रायव्हिंग लायसन्स जारी करणे आणि नूतनीकरण करणे, वाहन नोंदणी, मालकी हस्तांतरण आणि ना हरकत प्रमाणपत्रे (एनओसी) जारी करणे यासारख्या महत्त्वाच्या सेवा ठप्प झाल्या होत्या. या संपात 55 कार्यालये आणि 25 चेक पोस्टमधील अंदाजे 1,500 आरटीओ कर्मचारी सहभागी झाले होते, ज्यामुळे राज्य परिवहन विभागाचे दररोज सुमारे 40 ते 50 कोटींचे नुकसान झाले. (हेही वाचा: Pune Metro: पंतप्रधान नरेंद्र मोदींचा पुणे दौरा रद्द; पुणेकर, विरोधकांचा जिल्हा न्यायालय-स्वारगेट मार्ग खुला करण्याचा आग्रह, दिला आंदोलनाचा इशारा)
आरटीओ कर्मचारी संघटनेचा बेमुदत संप मागे-
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)