Pune Metro Update: पुण्यातील खडकी मेट्रो स्टेशन मे अखेरपर्यंत सुरू होणार; रेंज हिल्सला लागणार आणखी दोन वर्षे

पुण्यातील सार्वजनिक वाहतुकीवर अवलंबून असलेल्या प्रवाशांसाठी आनंदाची बातमी आहे. बहुप्रतिक्षित खडकी मेट्रो स्टेशन मे महिन्याच्या अखेरीस कार्यान्वित होण्याची शक्यता आहे. मात्र, रेंज हिल्स स्टेशनचे काम अद्याप सुरू झालेले नसल्याने दोन वर्षांनी त्याचे कामकाज सुरू होईल, असे मेट्रोच्या एका अधिकाऱ्याने गुरुवारी सांगितले. पुणे मेट्रोचे कार्यकारी संचालक (प्रशासन आणि जनसंपर्क) हेमंत सोनवणे यांनी द फ्री प्रेस जर्नलशी बोलताना सांगितले की, खडकी मेट्रो स्टेशन लवकरच सुरू होईल कारण जवळजवळ 99 टक्के काम पूर्ण झाले आहे. तपासणीचे काम सुरू आहे. टीमकडून मंजुरी मिळाल्यानंतर, मे महिन्याच्या अखेरीस ते सुरू होण्याची शक्यता आहे. रेंज हिल्स स्टेशनबद्दल बोलताना सोनवणे म्हणाले, काही समस्यांमुळे रेंज हिल्स स्टेशनचे काम अद्याप सुरू झालेले नसल्याने ते पूर्ण होण्यासाठी सुमारे दोन वर्षे लागतील. प्रवाशांना सार्वजनिक वाहतुकीत चांगली कनेक्टिव्हिटी आणि सुविधा प्रदान करणे हे आमचे प्राधान्य आहे.

पिंपरी-चिंचवड महानगरपालिका (पीसीएमसी) ते स्वारगेट मेट्रो स्टेशन मार्ग 24 सप्टेंबर 2024 रोजी पूर्णपणे कार्यान्वित झाला. परंतु खडकी आणि रेंज हिल्स स्टेशन पूर्ण होण्यास विलंब झाल्यामुळे ते बंद आहेत, ज्यामुळे प्रवाशांची गैरसोय होत आहे. प्रवाशांना मेट्रोने जाण्यासाठी शिवाजीनगर ते बोपोडी असा प्रवास करावा लागत आहे. (हेही वाचा: Pune Cab Fares: पुण्यात 1 मेपासून Ola, Uber, Rapido कॅब सेवांची नवीन दरानुसार शुल्क आकारण्यास सुरुवात; जाणून घ्या प्रति किलोमीटर भाडे)

Pune Metro Update:

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)