Pune Guillain-Barré Syndrome: पुण्यातील धायरी येथे गुइलेन-बॅरे सिंड्रोममुळे 60 वर्षीय व्यक्तीचा मृत्यू; एकूण मृतांची संख्या 4, प्रकरणे 140 वर पोहोचली
या व्यक्तीला 27 जानेवारीला रुग्णालयात दाखल करण्यात आले होते. तो उपचारांना प्रतिसाद देत होता, मात्र आता हृदयविकाराच्या झटक्याने त्याचा मृत्यू झाला. आणखी एका प्रकरणात, गुरुवारी पिंपरी-चिंचवडमधील यशवंतराव चव्हाण स्मृती रुग्णालयात (वायसीएमएच) जीबीएसचे निदान झालेल्या 36 वर्षीय व्यक्तीचा मृत्यू झाला.
पुण्यामध्ये गुइलेन-बॅरे सिंड्रोममुळे (GBS) आणखी एका रुग्णाचा मृत्यू झाला आहे. शहरातील धायरी येथील 60 वर्षीय व्यक्ती, ज्याला गुइलेन-बॅरे सिंड्रोम असल्याचे निदान झाले होते, त्याचा शुक्रवारी सकाळी पूना रुग्णालयात हृदयविकाराच्या झटक्याने मृत्यू झाला. अधिकाऱ्यांनी याबाबत माहिती दिली. अहवालानुसार, या व्यक्तीला बिकरस्टाफ ब्रेनस्टेम एन्सेफलायटीस (BBE) नावाची दुर्मिळ स्थिती होती.एमआरआय आणि स्टूल पीसीआर चाचण्यांनंतर रुग्णाला कॅम्पिलोबॅक्टर जेजुनी असल्याचे आढळल्यानंतर, जीबीएसची पुष्टी झाली. हा जीवाणू शरीराच्या मज्जातंतूंवर हल्ला करून रोगप्रतिकारक शक्तीला गोंधळात टाकून जीबीएसला ट्रिगर करू शकतो. या व्यक्तीला 27 जानेवारीला रुग्णालयात दाखल करण्यात आले होते. तो उपचारांना प्रतिसाद देत होता, मात्र आता हृदयविकाराच्या झटक्याने त्याचा मृत्यू झाला.
आणखी एका प्रकरणात, गुरुवारी पिंपरी-चिंचवडमधील यशवंतराव चव्हाण स्मृती रुग्णालयात (वायसीएमएच) जीबीएसचे निदान झालेल्या 36 वर्षीय व्यक्तीचा मृत्यू झाला. या दोन मृत्यूंसह एकूण मृतांची संख्या चार झाली आहे. यासह एकूण संशयित जीबीएस प्रकरणांची संख्या 140 वर पोहोचली आहे. यापैकी 111 रूग्णालयात दाखल आहेत, 45 अतिदक्षता विभागात (ICU) आणि 18 व्हेंटिलेटरवर आहेत. (हेही वाचा: How To Prevent Guillain-Barre Syndrome: जीबीएस आजाराचा प्रसार टाळण्यासाठी काय कराल? पुणे महानगरपालिकेने जारी केली खास मार्गदर्शक तत्त्व)
Pune Guillain-Barré Syndrome:
Pune: 60-Year-Old Dhayari Man Dies Of Suspected Guillain-Barré Syndrome; Death Toll Rises To 4, Total Cases Reach 140#Pune #PuneNews #GBS #GBSOutbreak https://t.co/XdDwcLgukE
— Free Press Journal (@fpjindia) January 31, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 31, 2025 08:35 PM IST. For more news and updates on politics, world, sports, entertainment and lifestyle, log on to our website latestly.com).
