Pune Drunk-And-Drive Accident: पुण्यातील पोर्शे कार अपघात प्रकरण अजूनही ताजे असताना आता, पुण्यात अजून एक असेच ड्रंक-अँड-ड्राइव्हचे प्रकरण समोर आले आहे. पुण्यातील मांजरी मुंढवा रोडवर काल रात्री भरधाव वेगात असलेल्या एसयूव्हीची, एका कोंबड्या घेऊन जाणाऱ्या टेम्पो ट्रकला जोरदार धडक बसली. सौरभ गायकवाड असे या एसयूव्ही चालकाचे नाव असून, तो दारूच्या नशेत गाडी चालवत असल्याचे समोर आले आहे. सौरभ हा माजी कॉर्पोरेट नेते आणि शरद पवार यांच्या राष्ट्रवादी काँग्रेसमधील प्रमुख व्यक्ती असलेल्या बंडू गायकवाड यांचा मुलगा आहे. या घटनेनंतर सौरभवर गुन्हा दाखल करण्यात आला आहे. सुदैवाने या अपघातामध्ये जीवितहानी झालेली नाही. या अपघातात टेम्पो ट्रकचा चालक व क्लिनर जखमी झाले. स्थानिकांनी त्यांना बाहेर काढून रुग्णालयात दाखल केले. या अपघाताचा एक व्हिडिओ सोशल मिडियावर व्हायरल होत आहे. (हेही वाचा: Police Kills 12 Naxals In Encounter: गडचिरोली येथे महाराष्ट्र-छत्तीसगड सीमेवर पोलीस व नक्षल्यांमध्ये मोठी चकमक; 12 माओवाद्यांना कंठस्नान घालण्यात यश, अनेक शस्त्रे जप्त)

पहा व्हिडिओ-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)