Prime International Residential Index: जगभरातील प्राइम प्रॉपर्टी असलेल्या शहरांच्या यादीत मुंबई 37 व्या स्थानी, न्यू यॉर्क, लंडन, शांघायला टाकले मागे, See List

बुधवारी प्रसिद्ध झालेल्या संपत्ती अहवालानुसार (Wealth Report), मुंबईच्या रिअल इस्टेटमध्ये 6.40% किमत वाढ झाली आहे आणि जगभरातील प्राइम इंटरनॅशनल रेसिडेन्शियल इंडेक्समध्ये (Prime International Residential Index) शहर 37 व्या स्थानावर आहे. यंदा म्हणजेच 2023 मध्ये मुंबईतील प्रमुख मालमत्तांमध्ये 3% ची वाढ अपेक्षित आहे. साथीच्या आजारानंतर मुंबई आणि भारतातील इतर महानगरांमध्ये प्रमुख आणि मोठ्या निवासी जागांच्या मागणीत वाढ झाली आहे. टोकियोनंतर आशिया-पॅसिफिक बाजारपेठांमध्ये मुंबई दुसऱ्या क्रमांकावर आहे.

बेंगळुरूच्या मुख्य मालमत्तेच्या 3% ने वाढीमुळे शहराचे स्थान 2021 मधील 91 वरून 2022 मध्ये 63 व्या स्थानावर पोहोचले. तर, दिल्लीच्या मुख्य मालमत्ता बाजाराचे मूल्य 1.20% ने वाढले, ज्यामुळे ते 2021 मध्ये 93 व्या क्रमांकावरून 77 व्या क्रमांकावर गेले. या यादीमध्ये दुबईने आपले अव्वल स्थान कायम राखले आहे. दुबईमधील मुख्य निवासी किमती 44.20% ने वाढल्या. मुंबईने लंडन, न्यू यॉर्क, शांघाय, बर्लिन अशा मोठ-मोठ्या शहरांना मागे टाकले आहे.