Mumbai Police: वेस्टर्न एक्स्प्रेस हायवेवर दुचाकी स्पर्धेचे बेकायदेशीर आयोजन, 82 जणांना अटक

वेस्टर्न एक्स्प्रेस हायवेवर बेकायदेशीरपणे वाहनांची स्पर्धा आयोजित करणाऱ्या 82 तरुणांना आज न्यायालयासमोर हजर केले जाणार आहे. या प्रकरणात मुंबईतील वांद्रे-खोतवाडी पोलिसांनी 48 दुचाकी जप्त केल्या. मुंबई पोलीस अटक केलेल्या 82 तरुणांची पोलीस कोठडी मागण्याची शक्यता आहे.

पोलिसांनी आरोपींवर भारतीड दंड संहिता कलम 279,336,114, 34 कलम 125/177, 129/177, 179,184, 192(2) MV कायदा तसेच जुगार कायदा कलम 5 नुसार गुन्हा दाखल केला आहे. पोलिसांनी सांगितले की, बेकायदेशीरपणे वाहन (दुचारी) स्पर्धा आयोजित करण्यासाठी आरोपींना इन्स्टाग्रामवर पोस्टद्वारे त्यांना बाइक रेसिंगसाठी आमंत्रित करण्यात आले होते. अटक केलेल्या 82 पैकी 10 अल्पवयीन आहेत आणि 40 रेसर्सनी हेल्मेट घातले नव्हते, असे पोलिसांनी सांगितले.