Mumbai: कुवेतहून तीन जणांना घेऊन आलेली बोट गेटवे ऑफ इंडिया येथे पकडली; मुंबई पोलिसांकडून चौकशी सुरु

Mumbai: मुंबई पोलिसांनी अरबी समुद्रात ‘अब्दुल्ला शरीफ’ नावाची एक संशयास्पद बोट पकडली आहे. ही बोट कुवेतहून आली असल्याचे सांगण्यात येत होते. पोलिसांनी बोटीवर उपस्थित तिघांना ताब्यात घेतले आहे. सध्या पोलिसांनी बोट ताब्यात घेऊन गेटवेवर आणली आहे. संशयास्पद बोट पकडल्यामुळे अनेक प्रश्न उपस्थित होत आहेत. याबाबत मुंबई पोलिसांनी दिलेल्या माहितीनुसार, आज बोटीने तीन जण कुवेतहून गेटवे ऑफ इंडिया येथे आले आहेत. ही बोट गेटवेवर उभी करण्यात आली असून, तिची पूर्ण तपासणी करण्यात आली आहे. यामधील तीन व्यक्ती भारतातील तामिळनाडू येथील आहेत. यामध्ये आतापर्यंत काहीही संशयास्पद आढळले नाही.

माहितीनुसार, मंगळवारी संध्याकाळी समुद्रकिनाऱ्यापासून काही अंतरावर असलेल्या अरबी समुद्रात काही हालचाल पोलिसांना दिसली. येथे एक संशयास्पद बोट दिसल्याचे वॉच टॉवरवरून उघड झाले. पोलिसांनी तत्काळ कारवाई करत संशयास्पद बोट ताब्यात घेतली. याबाबत गुन्हा दाखल करून पुढील तपास सुरू आहे. (हेही वाचा: Mumbai Crime News: मुलुंड येथे पूर्व वैमनस्यातून 16 वर्षीय मुलाची हत्या, दोन अल्पवयीन आरोपींवर गुन्हा दाखल)