Maharashtra Blood Banks: महाराष्ट्रातील 93 सरकारी ब्लड बँकांवर निष्काळजीपणा बाबत कारवाई; ठोठावला लाखो रुपयांचा दंड
जर रक्तपेढीने आपला साठा अपलोड केला नाही तर त्यावर प्रतिदिन 1000 रुपये दंड आकारला जातो. आरटीआय कार्यकर्ते चेतन कोठारी यांनी दाखल केलेल्या याचिकेत अनेक रक्तपेढ्यांनी दैनंदिन साठा अद्ययावत करण्यात अपयशी ठरल्याचे उघड झाले आहे, त्यामुळे त्यांना दंड ठोठावण्यात आला आहे.
महाराष्ट्रातील अनेक रक्तपेढ्यांवर निष्काळजीपणामुळे कारवाई करण्यात आली आहे. रक्त उपलब्धतेची माहिती देणाऱ्या ई-रक्तकोश या वेबसाइटवर माहिती अपलोड न करणाऱ्या रक्तपेढ्यांवर कारवाई करण्यात आली आहे. राज्यातील अशा अनेक रक्तपेढ्यांना 5 महिन्यांत 12,72,000 रुपयांचा दंड ठोठावण्यात आला आहे. अनेकदा रुग्णालयात दाखल रुग्णांच्या कुटुंबीयांना रक्तासाठी एका रक्तपेढीतून दुसऱ्या रक्तपेढीत धाव घ्यावी लागते. अशावेळी रक्तपेढीमध्ये ते रक्त उपलब्ध आहे की नाही हे जाणून घेण्यासाठी सरकारने ई-रक्तकोश वेबसाइट तयार केली आहे, ज्यावर सर्व राज्यांतील रक्तपेढ्यांनी रक्ताचा साठा, म्हणजे किती युनिट्स, गट इत्यादींची माहिती दररोज अपलोड करणे गरजेचे आहे. त्याचा मूळ उद्देश असा आहे की जेव्हा रुग्णाला रक्ताची गरज असते आणि रुग्णालयाच्या रक्तपेढीमध्ये रक्त नसेल, तेव्हा तो ई-रक्तकोषमध्ये जाऊन ते रक्त कोणत्या रक्तपेढीमध्ये उपलब्ध आहे ते शोधू शकतो. रक्तपेढ्या चालवणाऱ्या राज्य रक्त संक्रमण परिषदेला (SBTC) राज्यातील सर्व खाजगी आणि सरकारी रक्तपेढ्यांनी त्यांचा साठा वेबसाईटवर दररोज अपलोड केला आहे याची खात्री करावी लागते. जर रक्तपेढीने आपला साठा अपलोड केला नाही तर त्यावर प्रतिदिन 1000 रुपये दंड आकारला जातो. आरटीआय कार्यकर्ते चेतन कोठारी यांनी दाखल केलेल्या याचिकेत अनेक रक्तपेढ्यांनी दैनंदिन साठा अद्ययावत करण्यात अपयशी ठरल्याचे उघड झाले आहे, त्यामुळे त्यांना दंड ठोठावण्यात आला आहे. डिसेंबर 2022 ते एप्रिल 2023 पर्यंत राज्यातील अनेक रक्तपेढ्यांवर कारवाई करण्यात आली असून 12 लाख 72 हजार रुपयांचा दंड वसूल करण्यात आला आहे. (हेही वाचा: Navi Mumbai Metro Services Begin on Line No 1 Today: नवी मुंबई मेट्रो आजपासून नागरिकांच्या सेवेत; इथे पहा तिकीट दर, वेळापत्रक)
#Maharashtra : 93 Govt-run #Blood Banks Fined INR 12 Lakh Over Negligence #Maharashtragovernment @CMOMaharashtra #EknathShinde https://t.co/8enjL9DujD
— Mumbai Live (@MumbaiLiveNews) November 17, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 17, 2023 08:57 PM IST. For more news and updates on politics, world, sports, entertainment and lifestyle, log on to our website latestly.com).
