Maharashtra Weather Forecast: राज्यात पुढील दोन ते तीन दिवसात काही ठिकाणी हलका ते मध्यम पाऊस पडण्याची शक्यता - IMD

Maharashtra Weather Forecast: बंगालच्या उपसागरात कमी दाबाच्या पट्ट्याचे चक्रीवादळात रुपांतर झाले आहे. या चक्रीवादळाचा फटका दक्षिणेकडील राज्यांना जास्त बसण्याची शक्यता वर्तवण्यात आली आहे. या चक्रीवादळामुळे महाराष्ट्र आणि गुजरात या राज्यांना अवकाळी पावसाचा फटका बसण्याची शक्यता आहे. हवामान विभागाच्या मते, मुंबई आणि ठाणेसह इतर उपनगरामध्ये 11 ते 13 डिसेंबर रोजी पाऊस पडणार असल्याचा अंदाज वर्तवला आहे. हवामान विभागाने या चक्रीवादळाला मंदोस असं नाव दिलं आहे. आज हे चक्रीवादळ चेन्नईच्या किनारपट्टीवर धडकण्याची शक्यता आहे. चक्रीवादळ तामिळाडूच्या किनारपट्टीला धडकणार असल्यामुळे 13 जिल्ह्यांना ऑरेंज अलर्ट देण्यात आला आहे. (हेही वाचा -Most Polluted Winter: पुणे आणि मुंबईने अनुभवली गेल्या 4 वर्षातील आतापर्यंतची सर्वाधिक प्रदूषित थंडी; दिल्लीची परिस्थिती सुधारली)