Kurla Building Collapse: कुर्ला इमारत दुर्घटनेमधील मृतांचा आकडा पोहोचला 14 वर

मुंबईतील कुर्ला परिसरात 4 मजली इमारत दुर्घटनेतील मृतांचा आकडा वाढत आहे. मिळालेल्या माहितीनुसार या दुर्घटनेमध्ये आतापर्यंत 14 जणांचा मृत्यू झाला आहे. या दुर्घटनेनंतर शिवसेनेचे आमदार संजय पोतनीस यांनी 2016 मध्ये ही इमारत C1 वर्गवारीत नोंदवण्यात आल्याचे सांगितले. ऑडिटनंतर, त्याचे C2 अंतर्गत पुनर्वर्गीकरण करण्यात आले. C2 पुनर्वर्गीकरणानंतर, त्याची दुरुस्ती करणे आवश्यक होते, परंतु तसे केले गेले नाही. बीएमसीच्या वतीने कोणत्याही प्रकारचा निष्काळजीपणा केल्याचा आरोप त्यांनी फेटाळून लावला. बीएमसी आयुक्त इक्बाल सिंह चहल यांनी सांगितले की, 9 जणांना उपचारानंतर घरी सोडण्यात आले आहे. अग्निशमन विभागाने दिलेल्या माहितीनुसार इमारतीच्या ढिगाऱ्याखाली आणखी काही लोक अडकल्याची भीती व्यक्त केली जात आहे.