उद्योगपती Cyrus Poonawalla यांचा Sharad Pawar यांना निवृत्त होण्याचा सल्ला, जाणून घ्या काय म्हणाले

राष्ट्रवादी काँग्रेस पक्षाचे (NCP) शरद पवार हे 2024 मध्ये भाजपला रोखण्यासाठी विरोधी पक्षांच्या राष्ट्रीय आघाडी I.N.D.I.A. मध्ये महत्त्वाची भूमिका बजावत आहेत. मात्र त्यांचे जवळचे मित्र आणि उद्योगपती सायरस पूनावाला यांनी त्यांना राजकारण सोडण्याचा सल्ला दिला आहे. प्रसारमाध्यमांशी बोलताना सायरस पूनावाला, ज्यांना भारताचे लस सम्राट म्हटले जाते, त्यांनी चांद्रयान 3 च्या यशस्वी लँडिंगबद्दल इस्रोच्या शास्त्रज्ञांचे अभिनंदन केले. त्यावेळी शरद पवार यांच्याबद्दल विचारलेल्या प्रश्नाला उत्तर देताना ते म्हणाले की, ‘शरद पवार खूप हुशार आहेत. त्यांना पंतप्रधान होण्याच्या दोन संधी होत्या पण त्यांनी त्या गमावल्या. ते त्यावेळी चांगली सेवा देऊ शकले असते पण ती संधी गेली. मात्र आता त्यांनी निवृत्त व्हावे.’