Independent Candidate Balasaheb Shinde Dies: बीडमध्ये निवडणुकीदरम्यान उमेदवार बाळासाहेब शिंदे यांचे मतदान केंद्रावर हृदयविकाराच्या झटक्याने निधन
निवडणूक आयोगाच्या म्हणण्यानुसार, बाळासाहेब बीड शहरातील छत्रपती शाहू विद्यालयातील मतदान केंद्रावर होते, तेव्हा त्यांच्या छातीत दुखायला लागले आणि अस्वस्थता जाणवू लागली.
बीड विधानसभा मतदारसंघातील अपक्ष उमेदवार बाळासाहेब शिंदे यांचे मतदान केंद्रावर हृदयविकाराच्या झटक्याने निधन झाले. या घटनेनंतर मतदान केंद्रावर गोंधळाचे वातावरण निर्माण झाले होते. शिंदे यांना तातडीने जवळच्या रुग्णालयात नेण्यात आले, मात्र डॉक्टरांनी त्यांना मृत घोषित केले. शिंदे यांच्या निधनानंतर बीड विधानसभा निवडणुकीबाबत पुढील निर्णय घेतला जाईल, असे निवडणूक आयोगाच्या अधिकाऱ्यांनी सांगितले. लोकप्रतिनिधी कायदा 1951 नुसार निवडणुकीदरम्यान उमेदवाराचा मृत्यू झाल्यास त्या जागेवरील मतदान पुढे ढकलले जाऊ शकते. पोलिसांनी मृतदेह शवविच्छेदनासाठी सुरक्षित ठेवला आहे. प्राथमिक तपासात पोलिसांनी ह्रदयविकाराचा झटका हे मृत्यूचे कारण सांगितले आहे. बीड विधानसभा मतदारसंघात बाळासाहेब शिंदे यांचा मोठा प्रभाव होता.
निवडणूक आयोगाच्या म्हणण्यानुसार, बाळासाहेब बीड शहरातील छत्रपती शाहू विद्यालयातील मतदान केंद्रावर होते, तेव्हा त्यांच्या छातीत दुखायला लागले आणि अस्वस्थता जाणवू लागली. त्यानंतर त्यांना प्यायला पाणी देण्यात आले आणि गर्दीपासून दूर एका हवेशीर ठिकाणी बसवले. मतदान केंद्राबाहेर उपस्थित असलेल्या समर्थकांनी सांगितले की, बाळा साहेबांना चक्कर आल्याने ते खाली पडले होते, त्यानंतर त्यांना काकू नाना रुग्णालयात दाखल करण्यात आले. येथून त्यांना छत्रपती संभाजी नगर रुग्णालयात रेफर करण्यात आले. उपचारादरम्यान डॉक्टरांनी त्यांना मृत घोषित केले. त्यांच्या निधनामुळे बीड शहरासह संपूर्ण जिल्ह्यात शोककळा पसरली आहे. (हेही वाचा: Suhas Kande Vs Sameer Bhujbal Rada: 'तुझा मर्डर फिक्स', सुहास कांदे यांची समीर भुजबळ यांच्या कार्यकर्त्यास थेट धमकी)
उमेदवार बाळासाहेब शिंदे यांचे मतदान केंद्रावर हृदयविकाराच्या झटक्याने निधन-
बीड विधानसभा मतदारसंघातून एक दुर्दैवी आणि धक्कादायक घटना समोर आली आहे. बीड विधानसभा मतदारसंघाचे अपक्ष उमेदवार बाळासाहेब शिंदे यांचा मतदान केंद्रावरच हृदयविकाराच्या तीव्र झटक्याने मृत्यू झाला आहे.
सविस्तर वाचा https://t.co/N4ca3XMNfd#BalasahebShinde #Elections #Beed pic.twitter.com/AAXSZO45Su
— SakalMedia (@SakalMediaNews) November 20, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 20, 2024 06:27 PM IST. For more news and updates on politics, world, sports, entertainment and lifestyle, log on to our website latestly.com).
