Income Tax Action in Jalna: जालना येथे 390 कोटींची बेहिशेबी मालमत्ता, 58 कोटींची रोकड, 32 किलो सोन्याचे दागिने; आयकर विभागाच्या कारवाईत सापडले मोठे घबाड

महाराष्ट्रातील ग्रामीण जनतेचे डोळे विस्फारतील अशी बातमी आहे. आयकर विभागाने (Income Tax Department,) जालना (Jalna) येथील एका स्टील कारखानदाराचे कारखाने आणि इतर मालमत्तांवर छापेमारी केली. या वेळी केलेल्या कारवाईत बेहिशोबी मालमत्तांचे धक्कादायक आकडे पुढे आले आहेत. आतापर्यंत हातील आलेल्या माहितीनुसार संबंधित कारखानदाराकडून तब्बल 390 कोटी रुपयांची बेहिशेबी मालमत्ता उघडकीस आली आहे. यात 58 कोटींची रोकड, 32 किलो सोन्याचे दागिने, हिरे, मोती आणि जवळपास 300 कोटींच्या बेहिशेबी मालमत्ता समोर आल्या आहेत. आयकर विभाग कागदपत्रे आणि इतर बाबींची अद्यापही पडताळणी करत आहेत. दरम्यान, कारवाई केलेल्या कारखानदाराचे नाव आयकर विभागाने अद्याप जाहीर केले नाही. ही कारवाई अद्यापही सुरु आहे. आयकर विभागाला संशय आहे की, या कारखानदाराचा काळा पैसा औरंगबाद येथली एक प्रख्यात लँड डेव्हलपर आणि व्यापारी गुंतवणूक करुन पांढरा करत आहे. याबाबतही शोधमोहिम सुरु आहे.

प्रसारमाध्यमांनी दिलेल्या माहितीनुसार, आयकर विभागाने मोठी योजना आखून ही कारवाई केली. आयकर विभागाचे नाशिक विभागातील काही वरीष्ठ आणि राज्यभरातील 260 अधिकारी आणि कर्मचारी जवळपास 120 पेक्षाही अधिक वाहनांनी जालना शहरात पोहोचले. आयकर विभागाने कोणालाही शंका येऊ नये यासाठी वाहनांवर 'दुल्हन हम ले जायेंगे' असे स्टीकर लावले होते. जेणेकरुन लोकांना वाटावे हे लग्नाचेच वऱ्हाड आहे. दरम्यान, हे वऱ्हाड इच्छित स्थळी पोहोचल्यावर आयकर विभागाने कारवाईसुरु केली. कारवाईत सापडलेली सर्व रक्कम स्टेट बँकेच्या स्थानिक शाखेत नेऊन मोजण्यात आली. ही रक्कम मोजण्यास सकाळी 11 वाजता सुरुवात झाली होती. रक्कम मोजून पूर्ण व्हायला रात्रीचे 1 वाजले.

व्हिडिओ

The Income Tax Department has seized cash and valuables worth Rs 390 crore following a raid on the premises of #Maharashtra's Jalna businessman, who deals in garments, real estate and in steel.@IncomeTaxIndia pic.twitter.com/XgAms8IK8W

— IANS (@ians_india) August 11, 2022

औरंगाबाद विभागाच्या आयकर कार्यालयाला माहिती मिळाली होती की, जालना येथील काही कारखानदारांनी कोट्यवधी रुपयांची बेहिशोबी मालमत्ता कमावली आहे. ही मालमत्ता कोणत्याही स्वरुपात कायदेशीर नाही. त्यांच्याकडे या मालमत्तांचे पुरेसे तपशीलही नाहीत. अशा वेळी आयकर नाशिककच्या पथकाने काही वरिष्ठ अधिकारी आणि स्थानिक कर्मचारी यांच्या मदतीने जालना येथे 1 ऑगस्ट रोजी दुपारी चार वाजता कारवाई केली. वेगवेगळ्या वाहनांतून जाऊन कारखानदार आणि व्यावसायिक यांच्या कार्यालयावर टाकलेल्या छाप्यात कोट्यवधी रुपयांचे घबाडच हाती लागले.

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Aug 11, 2022 09:40 AM IST. For more news and updates on politics, world, sports, entertainment and lifestyle, log on to our website latestly.com).