मुख्यमंत्री उद्धव ठाकरे यांच्या आवाहनाला Eknath Shinde यांचे उत्तर, जाणून घ्या काय म्हणाले

राज्यात सुरु असलेले राजकीय वादळ शमण्याचे नाव घेत नाहीये. एकनाथ शिंदे यांच्यासह अनेक आमदारांनी बंडखोरी केल्याने मोठा गदारोळ माजला आहे. अशात आज मुख्यमंत्री उद्धव ठाकरे यांनी बंडखोर आमदारांना भावनिक आवाहन करत परत येण्याची साद घातली. ‘तुम्ही लोक परत आलात तर तोडगा निघू शकेल. पक्षाध्यक्ष आणि कुटुंबप्रमुख या नात्याने मला अजूनही तुमची काळजी आहे’, असे ते म्हणाले.

आता या आवाहनाला एकनाथ शिंदे यांनी उत्तर दिले आहे. ट्वीट करत ते म्हणतात, ‘एका बाजूला आपल्या पुत्राने व प्रवक्त्याने वंदनीय बाळासाहेबांच्या शिवसैनिकांना डुकरं, नाल्याचीघाण, रेडा, कुत्रे, जाहील व मृतदेह म्हणायचे, त्यांचा बाप काढायचा तर दुसऱ्या बाजूला मात्र हिंदूविरोधी मविआसरकार वाचवण्यासाठी याच आमदारांना समेटाची हाक द्यायची, याचा अर्थ काय? ‘