Dasara Melava 2022: आम्ही विचारांचे वारसदार! शिंदे गटाकडून दसरा मेळाव्याचं पोस्टर रिलीज

Dasara Melava 2022: शिंदे गटाकडून दसरा मेळाव्याचं (Dasara Melava) पोस्टर रिलीज करण्यात आलं आहे. आम्ही विचारांचे वारसदार, असं ब्रिदवाक्य यावर लिहण्यात आलं आहे. हिंदूहृदयसम्राट बाळासाहेब ठाकरे यांच्या विचारांचे आम्ही वारसदार असल्याचा दावा शिंदे गटाने केला आहे. विशेष म्हणजे या पोस्टरवर शिवसेनेच्या धनुष्यबाणाचं चिन्ह लावण्यात आलं आहे. निवडणूक आयोगाने अद्याप धनुष्यबाणाचं चिन्ह कोणाचं असणार? यावर निकाल दिलेला नाही. मात्र, तरीदेखील शिंदे गटाच्या दसरा मेळाव्याच्या बॅनर्सवर धनुष्यबाणाचं चिन्ह दिसत आहे. मुख्यमंत्री एकनाथ शिंदे यांच्या शिंदे गटाचा वांद्रे-कुर्ला कॉम्पलेक्समधील एमएमआरडीए मैदानावर 5 ऑक्टोबर रोजी दसरा मेळावा होणार आहे.