पुणे येथून एक लक्ष विचलीत करणारा व्हिडिओ पुढे येत आहे. हा व्हिडिओ डीएसके सोसायटी, पारगे नगर, कोंढवा येथील असल्याचे समजते. या ठिकाणी एका डांबराच्या पिंपात कुत्र्याची दोन पिल्ले अडकली होती. डांबर गोठल्याने ही पिल्ले अडकून पडली होती. अतिशय हेलावून टाकणाऱ्या या घटनेची माहिती स्थानिकांनी अग्निशमन दलाला दिली. अग्निशमन दलाचे जवान पोहोचले तेव्हा त्यांना रस्त्यावरील एका ठिकाणी डांबराने भरलेले पिंप दिसले. ज्यात ही दोन पिल्ले अडकली होती. काही सर्प मित्र आणि प्राणिमित्रही या ठिकाणी पोहोचले.

दरम्यान, अग्निशमन दलाच्या जवानांनी उपकरणांचा वापर करुन पिंप कापला. त्यानंतर पिंपाचे दोन भाग केले आणि दोन्ही पिल्ले अलगतपणे बाहेर काढली. त्यानंतर या पिल्लांना विशिष्ठ तेलाचा वापर करुन अंघोळ घालण्यात आली. ज्यामुळे डांबर वितळून गेले आणि या पिल्लांना जीवदान मिळाले.

व्हिडिओ

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)