NEET Paper Leak Case: राज्य सरकारचा मोठा निर्णय! नीट घोटाळ्याशी संबंधित सर्व प्रकरणांचा तपास आता CBI करणार

NEET Paper Leak Case: राष्ट्रीय पात्रता प्रवेश परीक्षा (NEET) घोटाळ्याशी संबंधित सर्व प्रकरणांचा तपास सीबीआयकडे सोपवण्याचा निर्णय महाराष्ट्र सरकारने घेतला आहे. यासंदर्भात महाराष्ट्र सरकारच्या अधिकाऱ्याने एएनआय या वृत्तसंस्थेला यासंदर्भात माहिती दिली आहे. केंद्रीय गुन्हे अन्वेषण विभागाने (CBI) नीट-2024 परीक्षेतील गोंधळाप्रकरणी गेल्या आठवड्यात गुन्हा दाखल केला आहे. आरोपांनुसार, NTA मध्ये 4 हजार 750 केंद्र आणि 14 शहरांमधील नीट-यूजी परीक्षेचं आयोजन करण्यात आले होते. नीट-यूजी परीक्षेत 23 लाखांहून अधिक विद्यार्थी सहभागी झाले होते. यातील काही परीक्षा केंद्रांवर गोंधळाचा प्रकार समोर आला. या प्रकरणी शिक्षण मंत्रालयाने नीट-यूजी परीक्षेत कथित गोंधळाची चौकशी सीबीआयकडे सोपवली होती.