Anil Deshmukh Attacked in Katol: महाराष्ट्राचे माजी गृहमंत्री आणि राष्ट्रवादी काँग्रेसचे शरद पवार गटाचे नेते अनिल देशमुख यांच्यावर नागपूरजवळ काटोलमध्ये हल्ला झाला आहे. त्यांच्या गाडीवर अनेकांनी दगडफेक केली, ज्यात अनिल देशमुख जखमी झाले आहेत. अनिल देशमुख यांच्या डोक्याला मोठी जखम झाली आहे. हल्ल्यानंतरचे काही फोटो आणि व्हिडिओ सोशल मीडियावर व्हायरल होत आहेत, ज्यामध्ये अनिल देशमुख गाडीत चालकाच्या शेजारी बसलेल्या सीटवर बसलेले असून त्यांच्या गाडीची काच फुटल्याचे चित्रात स्पष्ट दिसत आहे. अनिल देशमुख नरखेड येथील सभा आटोपून तीनखेडा बिष्णूर रस्त्यावरून काटोलकडे परतत असताना, काटोल जलालखेडा रोडवरील बेलफाटाजवळ काही लोकांनी त्यांच्या गाडीवर मोठ्या प्रमाणात दगडफेक करून हल्ला केला. त्यांना काटोल रुग्णालयात उपचारासाठी दाखल करण्यात आले आहे. अनिल देशमुख यांचे पुत्र सलील देशमुख हे काटोलमधून महाविकास आघाडीकडून निवडणूक लढवत असून सलील देशमुख यांच्या प्रचारासाठी अनिल देशमुख नरखेडला गेले होते. (हेही वाचा: Baba Siddique Murder Case: बाबा सिद्दीकी हत्या प्रकरणात मोठी कारवाई; लॉरेन्स बिश्नोईचा भाऊ Anmol Bishnoi ला अमेरिकेत अटक)

Anil Deshmukh Attacked in Katol: 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)