JJ Hospital तील वरिष्ठ डॉक्टरांच्या अंतर्गत वादांवर तोडगा काढण्यासंदर्भात अजित पवार यांचे मुख्यमंत्र्यांना पत्र

जेजे रुग्णालयातील वरीष्ठ डॉक्टरांचा वाद आणि राजीनामासत्र यांवरुन राज्यभर चर्चा सुरु आहे. राज्याचे विधानसभेतील विरोधी पक्षनेते अजित पवार यांनी या वादाची दखल घेऊन मुख्यमंत्री महोदय, उपमुख्यमंत्री महोदय तसंच वैद्यकीय शिक्षणमंत्री, आरोग्यमंत्री यांना पत्र पाठवले आहे. या पत्रात या वादावर तत्काळ सर्वमान्य तोडगा काढावा आणि रुग्णांचे हाल थांबवावेत, अशी मागणी केली आहे. अजितपवार यांनी ट्विटरच्या माध्यमातून या पत्राबाबत माहिती दिली आहे.

ट्विटर पोस्टमध्ये अजित पवार यांनी पत्राचा दाखला देत म्हटले आहे की, मुंबईतील जेजे रुग्णालयाच्या नेत्रोपचार विभागातील ९ वरिष्ठ डॉक्टरांनी दिलेला सामूहिक राजीनामा, रुग्णालयातील मार्डच्या ७५० निवासी डॉक्टरांनी पुकारलेला बेमुदत संप, जेजे रुग्णालयातील वरिष्ठ डॉक्टरांच्या अंतर्गत वादामुळे रुग्णालयातील रुग्णसेवेवर, राज्याच्या आरोग्यसेवेवर होत असलेला दुष्परिणाम, यासंदर्भात राज्याचे हित लक्षात घेऊन मुख्यमंत्री महोदय, उपमुख्यमंत्री महोदय तसंच वैद्यकीय शिक्षणमंत्री, आरोग्यमंत्री यांनी तत्काळ सर्वमान्य तोडगा काढावा आणि रुग्णांचे हाल थांबवावेत, अशी मागणी पत्रामार्फत केली आहे.

ट्विट