Adarsh School Badlapur Sexual Assault Case: '...त्या दुर्दैवी प्रकरणावर बदलापुरात विकृत राजकारण नको', आदर्श शाळा लैंगिक अत्याचार प्रकरणाबाबत शहरभर झळकले पोस्टर्स
याबाबत एफआयआर दाखल करण्यास उशीर झाल्याने महाविकास आघाडीने शिंदे सरकारवर टीका केली. सुप्रिया सुळे यांनी या लैंगिक छळ प्रकरणावरून महाराष्ट्र सरकारवर निशाणा साधत, उपमुख्यमंत्री देवेंद्र फडणवीस यांच्या राजीनाम्याची मागणी केली.
Adarsh School Badlapur Sexual Assault Case: बदलापूरमध्ये आदर्श शाळेतील मुलींसोबत झालेल्या लाजिरवाण्या घटनेनंतर राज्यात खळबळ उडाली आहे. या घटनेविरोधात महाराष्ट्रात मोठ्या प्रमाणात निदर्शने होत आहेत. विरोधकांनी सत्ताधारी पक्षावर हल्ला चढवला आहे. बदलापूरमध्ये आदर्श शाळेच्या सफाई कामगाराने तीन आणि चार वर्षांच्या दोन मुलींवर लैंगिक अत्याचार केले. मात्र याबाबत एफआयआर दाखल करण्यास उशीर झाल्याने महाविकास आघाडीने शिंदे सरकारवर टीका केली. सुप्रिया सुळे यांनी या लैंगिक छळ प्रकरणावरून महाराष्ट्र सरकारवर निशाणा साधत, उपमुख्यमंत्री देवेंद्र फडणवीस यांच्या राजीनाम्याची मागणी केली. अशाप्रकारे या घटनेमुळे राजकारण चांगलेच तापले आहे. या दरम्यान बदलापूर येथे, ‘त्या दुर्दैवी प्रकरणावर विकृत राजकारण नको’, अशा आशयाचे पोस्टर लावण्यात आले आहेत. अहवालानुसार, शिवसेनेचे शहरप्रमुख वामन म्हात्रे यांच्या समर्थकांनी हे पोस्टर्स लावले आहेत.
पोस्टरवर लिहिले आहे, ‘बदलापूरकर म्हणून आम्ही त्या दुर्दैवी प्रकाराचा निषेधच करतो. पण, त्या दुर्दैवी प्रकरणावर बदलापुरात विकृत राजकारण नको. #MyChildNotForPolitics’ (हेही वाचा: Adarsh School Badlapur Sexual Assault Case: बदलापूर आदर्श शाळेतील लैंगिक शोषण प्रकरणावर महाविकास आघाडी आक्रमक; 24 ऑगस्टला महाराष्ट्र बंदची हाक)
आदर्श शाळा लैंगिक अत्याचार प्रकरणाबाबत शहरभर झळकले पोस्टर्स -
राजकारण्यांच्या अंगाशी आल्यावर ते म्हणतात राजकारण नको #बदलापूर #BadlapurSchoolCrime #BadlapurSchoolCase pic.twitter.com/pyzEMM4xvO
— Amol More (@moreamolc) August 21, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 21, 2024 10:51 PM IST. For more news and updates on politics, world, sports, entertainment and lifestyle, log on to our website latestly.com).
