राहुल गांधींबाबत वादग्रस्त वक्तव्य करणे पडले महागात; शिंदे गटाचे आमदार Sanjay Gaikwad यांच्याविरुद्ध गुन्हा दाखल

काँग्रेसचे खासदार आणि लोकसभेतील विरोधी पक्षनेते राहुल गांधी यांच्याविरोधात वादग्रस्त वक्तव्य करणारे शिवसेना आमदार संजय गायकवाड यांच्याविरोधात एफआयआर दाखल करण्यात आला आहे. शिंदे गटाच्या आमदाराविरुद्ध काँग्रेस कार्यकर्त्यांनी बुलढाणा शहर पोलीस ठाण्यात गुन्हा दाखल केला आहे. शिंदे गटाचे आमदार संजय गायकवाड यांनी राहुल गांधी यांची जीभ छाटेल त्याला 11 लाखांचे बक्षीस देण्याचे जाहीर केले होते.

संजय गायकवाड म्हणाले होते की, ‘काँग्रेस नेते राहुल गांधी यांनी ज्या प्रकारची विधाने केली आहेत, त्यातून काँग्रेसचा खरा चेहरा समोर आला आहे. लोकसभा निवडणुकीत त्यांनी संविधान धोक्यात आहे, भाजप राज्यघटना बदलेल, असा खोटा प्रचार करून मते घेतली आणि आज अमेरिकेत बाबासाहेब आंबेडकर यांनी आरक्षण दिले होते, ते संपवू असे ते म्हणाले. जो कोणी त्यांची जीभ कापेल त्याला मी 11 लाख रुपये देईन.’ मात्र गायकवाड यांच्या वक्तव्याचे भाजपने समर्थन केले नाही. (हेही वाचा: Sanjay Gaikwad On Rahul Gandhi: 'राहुल गांधींची जीभ छाटणाऱ्याला 11 लाखांचं बक्षीस'; संजय गायकवाड यांचे वादग्रस्त विधान)

आमदार संजय गायकवाड यांच्याविरुद्ध गुन्हा दाखल-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)