Indian Rock Python: मुंबईत इमारतीच्या 13व्या मजल्यावर पोहोचला 4 फूट लांब अजगर; वनविभागाकडून करण्यात आलं रेस्क्यू

Indian Rock Python: मुंबईत एक धक्कादायक घटना समोर आली आहे. येथे घाटकोपर (पश्चिम) परिसरात एका इमारतीच्या टॉवरच्या 13व्या मजल्यावर चार फुटांचा अजगर पोहोचला. मात्र, प्राणीप्रेमींनी याबाबत वनविभागाला माहिती दिल्यानंतर वनविभागाने त्याची सुटका केली. तिथे राहणाऱ्या अजगर तेराव्या मजल्यावर चढलेलं पाहून आश्चर्यचं वाटलं. मुंबईतील आयटी फर्मसाठी काम करणारे प्राणी कार्यकर्ते सूरज साहा यांनी TOI ला सांगितले की, मंगळवारी घाटकोपर (पश्चिम) एलबीएस रोडवरील व्रज पॅराडाईज इमारतीच्या टेरेसवर भारतीय रॉक अजगर दिसला. टेरेसवर काही बांधकाम सुरू असल्याने अजगर पूर्णपणे सिमेंटमध्ये अडकला होता. त्याला वाचवण्यासाठी आम्ही तातडीने राज्याच्या वनविभागाशी संपर्क साधला.