Malharrao Holkar Jayanti 2024: इंदौर संस्थानाचे संस्थापक, सुभेदार मल्हारराव होळकर यांच्या जयंतीनिमित्त अजित पवार, छगन भूजबळ, बाळासाहेब थोरात, अमित देखमुख आदी नेत्यांनी सोशल मीडियावर वाहिली विनम्र आदरांजली!

Malharrao Holkar Jayanti 2024: इंदौर संस्थानाचे संस्थापक, सुभेदार मल्हारराव होळकर यांची आज जयंती (Malharrao Holkar Jayanti 2024) सर्वत्र उत्साहात साजरी करण्यात येत आहे. मल्हारराव होळकर हे होळकर घराण्याचे संस्थापक होते.मल्हारराव होळकर यांचा जन्म 16 मार्च 1693 रोजी महाराष्ट्रातील पुणे जिल्ह्यातील जेजुरीजवळील होळ गावात एका धनगर कुटुंबात खंडूजी होळकर यांच्या पोटी झाला. त्यांचे वडील 1696 मध्ये मरण पावले, तेव्हा ते फक्त तीन वर्षांचे होते. ते मल्हार राव तळोदा (नंदुरबार जिल्हा, महाराष्ट्र) येथे त्यांचे मामा सरदार भोजराजराव बारगळ यांच्या वाड्यात वाढले. आज मल्हारराव होळकर यांच्या जयंतीनिमित्त सोशल मीडियावर राज्याचे उपमुख्यमंत्री अजित पवार, छगन भूजबळ, बाळासाहेब थोरात, अमित देखमुख आदी नेत्यांनी त्यांच्या स्मृतीस विनम्र अभिवादन केलं आहे.