Modi In Pakistan: पाकिस्तानामधील जनतेलाही वाटत आहे की, आपल्या देशातही मोदीजींसारखा पंतप्रधान हवा; संरक्षणमंत्री राजनाथ सिंह यांचा दावा

Modi In Pakistan: पाकिस्तान आणि श्रीलंका हे दोन्ही देश कोणत्या प्रकारच्या संकटाचा सामना करत आहेत, हे सांगण्याची गरज नाही. आजकाल पाकिस्तानातही मोदीजींसारखा पंतप्रधान हवा, अशी चर्चा सुरू असल्याचं संरक्षणमंत्री राजनाथ सिंह यांनी म्हटलं आहे. संरक्षण मंत्री पुढे म्हणाले की, एक काळ असा होता की क्रोनी कॅपिटलिझमला एवढी चालना मिळाली होती की लोकांना फक्त फोन करून करोडो रुपयांची कर्जे दिली जात होती. नंतर त्या कर्जाची वसुली करणे कठीण झाले, नरेंद्र मोदींनी तो प्रकार 'फोन बँकिंग' बंद केला. आपले पंतप्रधान नरेंद्र मोदी यांनी बँकिंग प्रणाली मजबूत करण्यासाठी केलेल्या सुधारणांमुळे आज लोकांचा बँकिंग प्रणालीवरील विश्वास पूर्वीपेक्षा अधिक दृढ झाला आहे.