Airport Shuttle Bus Crashed Into A Pole: बंगळुरू विमानतळावर शटल बस खांबाला आदळली; अनेक प्रवासी जखमी, Watch Video

Airport Shuttle Bus Crashed Into A Pole: बंगळुरू विमानतळावर झालेल्या अपघातात 10 जण जखमी झाले आहेत. प्रत्यक्षात प्रवाशांना घेऊन जाणारी शटल बस एका खांबाला धडकल्याने बसमधील 10 प्रवासी जखमी झाले. जखमींना तातडीने रुग्णालयात दाखल करण्यात आले, तेथे प्राथमिक उपचारानंतर पाच जणांना घरी सोडण्यात आले. अपघाताचा तपास करण्यात येत आहे. रविवारी पहाटे 5.15 वाजता बेंगळुरूच्या केम्पेगौडा आंतरराष्ट्रीय विमानतळावर शटल बसमधून 17 जण टर्मिनल 1 ते टर्मिनल 2 कडे जात होते. दरम्यान, बस टर्मिनल 2 जवळील खांबाला धडकली. त्यामुळे बसमधील 10 जण जखमी झाले, त्यांना तातडीने रुग्णालयात दाखल करण्यात आले. जखमींपैकी पाच जणांना प्राथमिक उपचारानंतर घरी सोडण्यात आले, तर पाच जणांवर रुग्णालयात उपचार सुरू आहेत. बसमध्ये 17 प्रवाशांपैकी 15 प्रवासी आणि दोन चालक दलाचे सदस्य होते. बेंगळुरू विमानतळ प्राधिकरणाने एक निवेदन जारी करून सांगितले की, बस ऑपरेटरच्या सहकार्याने या घटनेची चौकशी करण्यात येत आहे. (वाचा - Jammu and Kashmir Earthquake Tremors: जम्मू-काश्मीरमधून मोठी बातमी, भदरवाह खोऱ्यात जाणवले भूकंपाचे धक्के; लोक घराबाहेर आले)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)