तिसर्‍यांदा भारताच्या पंतप्रधान पदी विराजमान होणार्‍या PM Modi यांना जगभरातून शुभेच्छा; तणावग्रस्त संबंध असतानाही Canadian PM Trudeau यांच्याकडून अभिनंदन!

लोकसभा निवडणूकीच्या निकालानंतर काल एनडीए च्या झालेल्या बैठकीमध्ये नरेंद्र मोदी यांची निवड एनडीए चे नेते म्हणून करण्यात आली. येत्या 8 जूनला ते पंतप्रधान म्हणून तिसर्‍यांदा शपथबद्ध होण्याच्या तयारी मध्ये आहेत. अशात त्यांच्यावर जगभरातून शुभेच्छांचा वर्षाव सुरू झाला आहे. भारतीय वंशाचे आणि यूके चे पंतप्रधान ऋषि सुनक, इटलीच्या जॉर्जिया मेलोनी, अमेरिकेचे राष्ट्राध्यक्ष जो बायडन यांच्यासह अनेक राष्ट्राध्याक्षांनी त्यांना शुभेच्छा दिल्या आहेत. तर बांग्लादेश आणि नेपाळचे पंतप्रधान नरेंद्र मोदींच्या शपथविधी सोहळ्याला हजेरी देखील लावणार आहेत. कॅनडा आणि भारता मध्ये तणावग्रस्त संबंध असतानाही  PM Trudeau यांच्याकडून अभिनंदनाचा संदेश आला आहे.