Watch: स्टेट बँक ऑफ इंडियामध्ये दरोडा; बंदुकीच्या धाकावर अवघ्या 50 सेकंदात लुटले लाखो रुपये (Video)

राजस्थानमधील पाली भागातील स्टेट बँक ऑफ इंडियाच्या जदन शाखेत बँकेवर दरोडा पडल्याची घटना समोर आली आहे. या घटनेमुळे लोकांमध्ये भीतीचे वातावरण आहे. गुरुवार, 17 नोव्हेंबर रोजी झालेल्या बँक लुटीचे सीसीटीव्ही फुटेजही व्हायरल झाले आहे. हेल्मेट घातलेले दोन चोरटे बंदुकीचा धाक दाखवून बँक कर्मचाऱ्यांकडून लाखो रुपये लुटत असल्याचे व्हिडिओमध्ये दिसत आहे. मिळालेल्या माहितीनुसार, बँकेतील सुमारे तीन लाख रुपये हिसकावून हे चोरटे पळून गेले.

एसबीआय बँकेची ही शाखा राष्ट्रीय महामार्ग पाली-सोजतवर आहे. पोलिसांना दरोड्याची माहिती देण्यात आली, त्यानंतर पोलिसांचे पथक घटनास्थळी पोहोचले आणि त्यांनी घटनास्थळाचा तपास सुरू केला. सध्या शहरभर नाकाबंदी करून हल्लेखोरांना जेरबंद करण्याचे प्रयत्न सु आहेत, परंतु अजूनही पोलिसांच्या प्रयत्नांना यश आले नाही. या संपूर्ण चोरीसाठी दरोडेखोरांना केवळ 50 सेकंद लागले. दरोडा टाकत असताना दरोडेखोरांनी बँकेत उपस्थित सर्व लोकांचे मोबाईल फोन टेबलावर ठेवले होते, जेणेकरून कोणीही पोलिसांना माहिती देऊ नये.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)