प्रतीक्षा संपली! 4 मे रोजी ओपन होणार LIC चा IPO; 9 मे पर्यंत गुंतवणुकीची संधी

देशातील एका मोठ्या आयपीओ (IPO) लाँचची तारीख निश्चित करण्यात आली आहे. सूत्रांनी दिलेल्या माहितीनुसार, LIC चा IPO 4 मे रोजी लॉन्च होणार असून 9 मे पर्यंत गुंतवणूकदार या IPO मध्ये अर्ज करू शकतील. या संदर्भात मंगळवारी एलआयसी बोर्डाची महत्त्वपूर्ण बैठक होणार असून, त्यात लॉन्चच्या तारखेवर शिक्कामोर्तब होणार असल्याची माहिती बिझनेस टुडेला सूत्रांनी दिली आहे. बैठकीत त्याची अधिकृत घोषणा केली जाईल. याआधी सरकार देशातील सर्वात मोठ्या आयुर्विमा कंपनीतील 5% हिस्सा विकणार होते, पण आता सरकार IPO साठी फक्त 3.5% हिस्सा देणार आहे. IPO साठी LIC चे मूल्यांकन 6 लाख कोटी रुपये करण्यात आले आहे. बाजारातील मागणी चांगली असेल तर सरकार त्यात 5 टक्के वाढ करू शकते, असे एका अधिकाऱ्याचे म्हणणे आहे.