Sudden Death in Madhya Pradesh: इंदूरमध्ये कोचिंग क्लासमध्ये शिकत असताना विद्यार्थ्याला आला हृदयविकाराचा झटका; जागीच मृत्यू (Watch Video)

Sudden Death in Madhya Pradesh: नुकतेच तागाच्या झाडावर चढलेल्या एका व्यक्तीला हृदयविकाराचा झटका येऊन आकस्मिक मृत्यूची घटना समोर आली होती. आता मध्य प्रदेशातील इंदूर येथेही अशीच आकस्मिक मृत्यूची घटना घडली आहे. मध्य प्रदेशातील इंदूरमध्ये एका 18 वर्षीय विद्यार्थ्याचा कोचिंग क्लासदरम्यान हृदयविकाराच्या झटक्याने मृत्यू झाला आहे. ही हृदयद्रावक घटना बुधवारी घडली. माधव असे या मुलाचे नाव असून, तो शहरातील भंवरकुआन भागातील रहिवासी होता आणि मध्य प्रदेश लोकसेवा आयोगाच्या (MPPSC) प्रवेश परीक्षेसाठी प्रशिक्षण घेत होता. वर्गात असतानाच त्याच्या छातीत दुखू लागले आणि त्यानंतर त्याचा मृत्यू झाला. ही घटना तिथे लावलेल्या सीसीटीव्हीमध्ये कैद झाली आहे. माधवच्या छातीमध्ये दुखू लागल्यावर त्याला तातडीने जवळच्या रुग्णालयात नेण्यात आले, तेथे डॉक्टरांनी त्यांना मृत घोषित केले. (हेही वाचा: Heart Attack on Palm Tree Video: व्यक्तीला ताडाच्या झाडावर आला हृदयविकाराचा झटका, जागीच मृत्यू; Bhuvanagiri येथील दुःखद घटना)