J&K Encounter: जम्मू-काश्मीरच्या कुलगाममध्ये सुरक्षा दलाला मोठे यश, चकमकीत 4 दहशतवादी ठार

जम्मू-काश्मीरच्या कुलगाममध्ये सुरक्षा दलांना मोठे यश मिळाले आहे. सूत्रांनी दिलेल्या माहितीनुसार, फ्रिसल चिन्निगाम भागात लष्कराच्या जवानांनी 4 दहशतवाद्यांचा खात्मा केला आहे. मात्र, दहशतवाद्यांशी झालेल्या चकमकीत एक जवानही शहीद झाला. जिल्ह्यात फ्रिसल चिन्निगम आणि मुदरगाम या दोन ठिकाणी चकमक सुरू असल्याचे सांगण्यात येत आहे. त्यामुळे मारल्या गेलेल्या दहशतवाद्यांची ओळख ही कारवाई संपल्यानंतरच कळणार आहे. विशिष्ट माहिती मिळाल्यानंतर सुरक्षा दलांनी ही कारवाई केली. काश्मीर झोन पोलिसांनी 'X' वर या चकमकीची पुष्टी करताना पोलीस आणि सुरक्षा दल कारवाई करत असल्याचे लिहिले आहे. अधिक तपशील नंतर सामायिक केले जातील.  (हेही वाचा - Encounter In Kulgam: जम्मू-काश्मीरच्या कुलगाममध्ये चकमक; एक जवान शहीद)

पाहा पोस्ट -