Rajasthan: महिला न्यायाधीशाच्या प्रतिमा मॉर्फ करुन धमकी देत २० लाख रुपयांची मागणी

महिला न्यायाधीशाची छायाचित्रे मॉर्फ करुन त्यांना आणि त्यांच्या कुटुंबीयांना धमकी देत 20 लाख रुपये मागीतल्याची धक्कादायक घटना पुढे आली आहे. अज्ञातांकडून हा धक्कादायक प्रकार करण्यात आला आहे. त्यांनी महिला न्यायाधीशांच्या कुटुंबीयांना अपमानीत करण्याचीही धमकी दिली. महिला न्यायाधीशांनी जयपूर येथील सदर पोलिस ठाण्यात तक्रार नोंदवली आहे. तक्रारीची तातडीने नोंद घेऊन तपास सुरु केल्याची माहिती पोलिसांनी दिली आहे.

महिला न्यायाधीशांनी आपल्या तक्रारीत म्हटले आहे की, आरोपींनी त्यांची छायाचित्रे सोशल मीडियावरुन काढली आणि मॉर्फ केली. ज्यात अश्लीलता आहे. मॉर्फ केलेल्या फोटोंचा एक लिफाफा कोर्टातच न्यायाधीशांकडे पाठविण्यात आला. ब्लॅकमेलरने कोर्टरूममध्ये तीन मॉर्फ केलेल्या चित्रांसह एक पार्सल पाठवले. नंतर त्यांनी ती तिच्या शासकीय निवासस्थानीही पाठवली. दोन्ही पार्सलमध्ये धमकीची पत्रे होती आणि 20 लाख रुपयांची मागणी केली होती.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)