गुजरात विधानसभा 2022 निवडणुकासाठी दुसऱ्या टप्प्यातील मतदान सोमवारी म्हणजेच उद्या होणार आहे. राज्यातील निवडणुकांच्या पार्श्वभूमीवर पीएम मोदींनी सलग दोन दिवस इथे रोड शो केले. आज पंतप्रधान आपली आई हीराबेन मोदींना भेटण्यासाठी गांधीनगरमध्ये पोहोचले. दुसऱ्या टप्प्यातील निवडणुकीपूर्वी पंतप्रधान मोदींनी आईच्या चरणांना स्पर्श करून आशीर्वाद घेतले. पंतप्रधानांनी आईजवळ बसून चहाचा आस्वादही घेतला. या गोष्टीचा व्हिडीओ व्हायरल होत आहे.

आपल्या आईला भेटण्यापूर्वी, पंतप्रधान मोदींनी अहमदाबादमध्ये प्रमुखस्वामी महाराजांच्या जन्मशताब्दी सोहळ्याचे उद्घाटन केले. 30 दिवस चालणारा हा महोत्सव 15 डिसेंबरपासून सुरू होत असून, 15 जानेवारीपर्यंत चालणार आहे. या उत्सवासाठी अहमदाबादच्या पश्चिमेला सरदार पटेल रिंग रोडवर 600 एकर जागेवर भव्य आणि दिव्य 'प्रमुखस्वामी महाराज नगर' बांधले जात आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)