PM Narendra Modi at Summit of Future: 'भारतासाठी एक पृथ्वी, एक कुटुंब आणि एक भविष्य ही वचनबद्धता आहे'; संयुक्त राष्ट्राद्वारे पंतप्रधान मोदींचा जगाला संदेश (Video)
आपल्या भाषणात त्यांनी जागतिक शांतता आणि विकासासाठी सामूहिक शक्ती आणि सहकार्य सर्वात महत्त्वाचे असल्याचे वर्णन केले. पंतप्रधान मोदी म्हणाले की, मानवतेचे यश कोणत्याही रणांगणात नसून आपल्या सामूहिक शक्तीमध्ये आहे.
PM Narendra Modi at Summit of Future: पंतप्रधान नरेंद्र मोदी यांनी न्यूयॉर्कमध्ये संयुक्त राष्ट्र महासभेत 'समिट ऑफ फ्युचर'ला संबोधित केले. यावेळी त्यांनी मानवकेंद्रित दृष्टिकोन आणि शाश्वत विकासाला प्राधान्य देण्यावर भर दिला. आपल्या भाषणात त्यांनी जागतिक शांतता आणि विकासासाठी सामूहिक शक्ती आणि सहकार्य सर्वात महत्त्वाचे असल्याचे वर्णन केले. पंतप्रधान मोदी म्हणाले की, मानवतेचे यश कोणत्याही रणांगणात नसून आपल्या सामूहिक शक्तीमध्ये आहे. ते म्हणाले, जागतिक शांतता आणि विकासासाठी जागतिक संस्थांमध्ये सुधारणा आवश्यक आहे. सुधारणा ही प्रासंगिकतेची गुरुकिल्ली आहे. 'समिट ऑफ द फ्युचर'मध्ये पंतप्रधान नरेंद्र मोदी म्हणाले, ‘भारतासाठी 'एक पृथ्वी', 'एक कुटुंब' आणि 'एक भविष्य' ही एक वचनबद्धता आहे. ही बांधिलकी आमच्या 'वन अर्थ', 'वन हेल्थ, ‘वन सन’, 'वन ग्रिड...' यांसारख्या उपक्रमांमध्येही दिसून येते. प्रत्येक धोरणात्मक निर्णयात माणुसकी केंद्रस्थानी ठेवली पाहिजे, असेही पंतप्रधानांनी स्पष्ट केले. मानवतावादी दृष्टिकोनाचा अवलंब करूनच आपण शाश्वत आणि समृद्ध भविष्याकडे वाटचाल करू शकतो, असे ते म्हणाले. (हेही वाचा: PM Modi Statue With Lab-Grown Diamonds: अमेरिकेतील भारतीय वंशाच्या ज्वेलर्सनी बनवली प्रयोगशाळेत तयार केलेल्या हिऱ्यांपासून पीएम मोदींची मूर्ती, पहा व्हिडिओ)
संयुक्त राष्ट्राद्वारे पंतप्रधान मोदींचा जगाला संदेश-
#WATCH | In New York, PM Modi says, "For India, one earth, one family and one future is a commitment." pic.twitter.com/bVYDcVf0qm
— ANI (@ANI) September 23, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 23, 2024 10:18 PM IST. For more news and updates on politics, world, sports, entertainment and lifestyle, log on to our website latestly.com).
