Morgan Stanley Investment In Paytm: मॉर्गन स्टॅनलीची पेटीएममध्ये मोठी गुंतवणूक; खरेदी केले 244 कोटी रुपयांचे शेअर्स

Morgan Stanley Investment In Paytm: मॉर्गन स्टॅनलीने शुक्रवारी खुल्या बाजारातून पेटीएम पॅरेंट वन 97 कम्युनिकेशन्स लिमिटेडमधील (Paytm One97 Communications Ltd) किरकोळ 0.8% भागभांडवल सुमारे 244 कोटी रुपयांना विकत घेतले. मॉर्गन स्टॅनले एशिया सिंगापूर पीटीई (ODI) ने कंपनीचे 50,00,000 शेअर्स प्रत्येकी 487.2 रुपये दराने विकत घेतले. सूत्राने दिलेल्या माहितीनुसार, शुक्रवारी बाजार बंद झाल्यानंतर हा व्यवहार पार पडला. नुकतेच आरबीआयने Paytm Payments Bank Ltd (PPBL) ला 29 फेब्रुवारी नंतर कोणत्याही ग्राहकांच्या खात्यांमध्ये, वॉलेट, FASTags आणि इतर साधनांमध्ये ठेवी किंवा टॉप-अप स्वीकारणे थांबवण्याचे निर्देश दिले आहेत. यामुळे पेटीएम ब्रँडची मालकी असलेल्या वन 97 कम्युनिकेशन्स लिमिटेडचे शेअर्स शुक्रवारी आणखी 20 टक्क्यांनी घसरले. वन 97 कम्युनिकेशन्स लिमिटेडची पेटीएम पेमेंट्स बँकेत 49 टक्के भागीदारी आहे, परंतु ती कंपनीची सहयोगी म्हणून वर्गीकृत करते आणि उपकंपनी म्हणून नाही. कंपनीने एका निवेदनात म्हटले आहे की, त्यांच्या सेवा 29 फेब्रुवारीच्या पुढे चालू राहतील. आरबीयेयचे निर्देश पेटीएम पेमेंट्स बँकेवर आहेत, पेटीएम वर नाहीत. (हेही वाचा: Action Against Paytm Payments Bank Ltd: पेटीएम पेमेंट्स बँकविरुद्ध RBI ची मोठी कारवाई; नवीन ग्राहक जोडण्यास बंदी)

JUST IN | Morgan Stanley Asia buys 50 lk shares of Paytm at ₹487.20/sh@MorganStanley #Paytm #StockMarket pic.twitter.com/KQ7Zhd39Ew

— ET NOW (@ETNOWlive) February 2, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 02, 2024 11:57 PM IST. For more news and updates on politics, world, sports, entertainment and lifestyle, log on to our website latestly.com).