Kullu Landslide: हिमाचल प्रदेशातील कुल्लू येथे मोठी दुर्घटना; भूस्खलनात 6 जणांचा मृत्यू, पाच जण जखमी

Kullu Landslide: हिमाचल प्रदेशातील कुल्लू येथे एक मोठा अपघात झाला आहे. रविवारी गुरुद्वारा मणिकरण साहिबजवळ दरड कोसळून आणि झाड कोसळून झालेल्या घटनेत सहा जणांचा दुर्दैवी मृत्यू झाला तर पाच जण गंभीर जखमी झाले. गुरुद्वारा मणिकरणच्या पार्किंग क्षेत्रात हा अपघात झाला, जिथे अचानक झाडे उन्मळून पडली. कुल्लूचे अतिरिक्त जिल्हा दंडाधिकारी अश्वनी कुमार यांनी दिलेल्या माहितीनुसार, पोलिस आणि बचाव पथके तात्काळ घटनास्थळी पोहोचली आणि जखमींना जरी येथील स्थानिक रुग्णालयात दाखल केले. प्रशासन परिस्थितीवर लक्ष ठेवून आहे. पावसामुळे भूस्खलनाचा धोका वाढला आहे. त्यामुळे प्रशासनाने लोकांना सतर्क राहण्याचा सल्ला दिला आहे.

हिमाचल प्रदेशातील कुल्लू येथे भूस्खलन -