Lok Sabha Election 2024: कॉंग्रेस नेत्या Priyanka Gandhi महाराष्ट्रातून लोकसभा निवडणूक लढवण्याची शक्यता; जाणून घ्या सुप्रिया सुळे व यशोमती ठाकूर यांची प्रतिक्रिया (Video)

आगामी लोकसभा निवडणुकीसाठी सर्व पक्षांनी तयारी सुरु केली आहे. केंद्रातील विद्यमान सरकारचा पाडाव करण्यासाठी 'इंडिया' युतीनेही कंबर कसली आहे. अशात कॉंग्रेस नेत्या प्रियंका गांधी या महाराष्ट्रातून लोकसभा निवडणूक लढवतील अशी शक्यता समोर येत आहे. प्रियंका गांधी यांचे राजकीय सल्लागार आचार्य प्रमोद कृष्णम यांनी ही महिडी दिली आहे. आचार्य कृष्णमयांनी दिव्य मराठीला दिलेल्या मुलाखतीत हे वक्तव्य केलं आहे. या अहवालानंतर राष्ट्रवादी नेत्या सुप्रिया सुळे यांची प्रतिक्रिया समोर आली आहे. सुप्रिया सुळे म्हणाल्या, 'प्रियंका गांधी या एक कर्तुत्ववान महिला आहेत. त्यांनी प्रचंड संघर्ष केला आहे. त्या जर महाराष्ट्रातून लोकसभा निवडणूक लढवणार असतील तर आम्हाला आनंदच आहे.'

याबाबत कॉंग्रेसच्या यशोमती ठाकूर म्हणतात, 'ही एकदम चांगली गोष्ट आहे. असे घडले तर याचे आम्ही स्वागतच करतो. हा मतदारसंघ राखीव आहे म्हणून सांगा, नाहीतर त्यांना म्हटले असते इथूनच लढा.' (हेही वाचा: Bihar Caste Census: बिहारच्या जात जनगणनेच्या निकालांवर चर्चा करण्यासाठी नितीश कुमार यांनी बोलावली सर्वपक्षीय बैठक)

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Oct 03, 2023 04:02 PM IST. For more news and updates on politics, world, sports, entertainment and lifestyle, log on to our website latestly.com).