Karnataka- Congress Govt Ends Hijab Ban: कर्नाटक सरकार हिजाब बंदीचा आदेश मागे घेणार; मुख्यमंत्री Siddaramaiah यांची घोषणा
याआधी 2022 मध्ये मागील भाजप सरकारने हिजाबवर बंदी घातली होती. X वरील एका पोस्टमध्ये सिद्धरामय्या यांनी भाजपवर कपडे, पोशाख, जात यांच्या आधारावर लोकांमध्ये आणि समाजामध्ये फूट पाडल्याचा आरोप केला.
Karnataka- Congress Govt Ends Hijab Ban: कर्नाटकामध्ये मागील भाजप सरकारने घातलेली हिजाब बंदी आता उठवण्यात आली आहे. राज्यातील काँग्रेस सरकारने हिजाब बंदी हटवण्याची घोषणा केली आहे. राज्य सरकार हिजाब बंदी मागे घेणार असल्याची घोषणा मुख्यमंत्री सिद्धरामय्या यांनी सोशल मीडियावर केली. याआधी 2022 मध्ये मागील भाजप सरकारने हिजाबवर बंदी घातली होती. X वरील एका पोस्टमध्ये सिद्धरामय्या यांनी भाजपवर कपडे, पोशाख, जात यांच्या आधारावर लोकांमध्ये आणि समाजामध्ये फूट पाडल्याचा आरोप केला. त्यांनी कन्नडमध्ये ट्विट केले, ;मी हिजाब बंदी मागे घेण्यास सांगितले आहे.’ याआधी म्हैसूर येथे एका सभेला संबोधित करताना मुख्यमंत्री म्हणाले होते की, ‘तुम्ही कसे कपडे घालता आणि काय खावे ही तुमची निवड आहे. राज्यातील लोक जे आवडतील ते घालण्यास आणि खाण्यास स्वतंत्र आहेत.’ (हेही वाचा: Wine and Dine In Gujarat's GIFT City: गुजरातच्या 'गिफ्ट' सिटीमधील हॉटेल, रेस्टॉरंट आणि क्लबमध्ये करू शकाल मद्यपान; सरकार देणार परमिट)