जेट एअरवेजचे संस्थापक Naresh Goyal यांना ईडीकडून अटक; बँकेची केली तब्बल 538 कोटी रुपयांची फसवणूक
या प्रकरणी केंद्रीय अन्वेषण विभागाने (CBI) या वर्षी मे महिन्याच्या सुरुवातीला एफआयआरवर नोंदवला होता. त्यानंतर इडीने ही कारवाई केली आहे.
अंमलबजावणी संचालनालयाने (ED) जेट एअरवेजचे संस्थापक नरेश गोयल यांना अटक केली आहे. आज मुंबईतील एजन्सीच्या कार्यालयात दिवसभर चौकशी केल्यानंतर 538 कोटी रुपयांची बँकेची फसवणूक केल्याप्रकरणी गोयल यांना अटक केली आहे. त्यांना उद्या मुंबई पीएमएलए कोर्टात हजर करण्यात येणार आहे. या प्रकरणी केंद्रीय अन्वेषण विभागाने (CBI) या वर्षी मे महिन्याच्या सुरुवातीला एफआयआरवर नोंदवला होता. त्यानंतर इडीने ही कारवाई केली आहे. हे 538 कोटी रुपयांचे प्रकरण कॅनरा बँक घोटाळ्याशी संबंधित आहे. कॅनरा बँकेच्या तक्रारीवरून ईडीने गोयल, अनिता, गोयल, आनंद शेट्टी आणि जेट एअरवेज (इंडिया) लिमिटेड (जेआयएल) विरुद्ध फसवणुकीचा नवा गुन्हा दाखल केला होता. या प्रकरणी जुलै 2023 मध्ये गोयल आणि जेट एअरवेजच्या अनेक ठिकाणी छापे टाकण्यात आले होते.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)