ITR Filing 2024: शेवटच्या दिवशी संध्याकाळी 7 वाजेपर्यंत सात कोटींहून अधिक आयटीआर भरले; Income Tax विभागाची माहिती
शेवटच्या दिवशी म्हणजे बुधवारी संध्याकाळी 7 वाजेपर्यंत सात कोटींहून अधिक रिटर्न भरले गेले आहेत. आयकर विभागाने सोशल मीडिया प्लॅटफॉर्म 'X' वर याबाबत माहिती दिली.
ITR Filing 2024: आर्थिक वर्ष 2023-24 मध्ये कमावलेल्या उत्पन्नासाठी प्राप्तिकर रिटर्न (ITR) भरण्याचा आज शेवटचा दिवस आहे. शेवटच्या दिवशी म्हणजे बुधवारी संध्याकाळी 7 वाजेपर्यंत सात कोटींहून अधिक रिटर्न भरले गेले आहेत. आयकर विभागाने सोशल मीडिया प्लॅटफॉर्म 'X' वर याबाबत माहिती दिली. विभागाने सांगितले की, ‘आतापर्यंत (31 जुलै) 7 कोटींहून अधिक आयटीआर दाखल झाले आहेत, त्यापैकी आज संध्याकाळी 7 वाजेपर्यंत 50 लाखांहून अधिक आयटीआर दाखल झाले आहेत. आयटीआर फाइलिंग, कर भरणा आणि इतर संबंधित सेवांसाठी करदात्यांना मदत करण्यासाठी आमचा हेल्पडेस्क 24x7 कार्यरत आहे. ज्यांनी आर्थिक वर्षे 2024-25 साठी आयटीआर भरला नाही अशा सर्वांना आम्ही त्यांचे आयटीआर दाखल करण्याचे आवाहन करतो.’ (हेही वाचा: Infosys Tax Evasion Case: इन्फोसिस कंपनीला 32,000 कोटी रुपयांच्या कथित करचोरी प्रकरणी GST विभागाची नोटीस)
पहा पोस्ट-