ITR Filing 2023-24: प्राप्तिकराचा विक्रम! मूल्यांकन वर्ष 2023-24 साठी 31 डिसेंबरपर्यंत तब्बल 8.18 कोटी आयटीआर दाखल
यामध्ये वार्षिक माहिती विवरण (AIS) सुविधेचा मोठ्या प्रमाणावर वापर करण्यात आला, परिणामी आयटीआरची सुरळीत आणि जलद फाइलिंग झाली.
प्राप्तिकर विभागाने (Income-Tax Department) प्राप्तिकर रिटर्न (ITR) भरण्यामध्ये वाढ नोंदवली आहे. मूल्यांकन वर्ष 2023-2024 साठी 31 डिसेंबर 2023 पर्यंत 8.18 कोटी आयटीआर दाखल करण्यात आले आहेत. गेल्या वर्षी 31 डिसेंबर 2022 पर्यंत 7.51 कोटी आयटीआर दाखल झाले होते. मागील वर्षीच्या तुलनेत यंदाचे हे प्रमाण 9 टक्के जास्त आहे. या कालावधीत दाखल केलेल्या लेखापरीक्षण अहवाल आणि इतर फॉर्मची एकूण संख्या 1.60 कोटी आहे, मागील वर्षाच्या याच कालावधीत 1.43 कोटी लेखापरीक्षण अहवाल आणि फॉर्म दाखल करण्यात आले होते. यामध्ये वार्षिक माहिती विवरण (AIS) सुविधेचा मोठ्या प्रमाणावर वापर करण्यात आला, परिणामी आयटीआरची सुरळीत आणि जलद फाइलिंग झाली. तसेच या काळात ई-फाइलिंग हेल्पडेस्क टीमने 31 डिसेंबर 2023 पर्यंत करदात्यांच्या अंदाजे 27.37 लाख प्रश्न हाताळले. (हेही वाचा: Working Women Investment Scheme: नवीन वर्षापासून गुंतवणुकीचा विचार करताय का? नोकरदार महिलांसाठी 'या' आहेत सर्वोत्तम गुंतवणूक योजना; भांडवलाच्या सुरक्षेसह मिळेल चांगला परतावा)