Haryana Shocker: जिंदच्या सरकारी शाळेतील 142 अल्पवयीन मुलींचा मुख्याध्यापकावर सहा वर्षांच्या कालावधीत लैंगिक अत्याचार केल्याचा आरोप; आरोपीला अटक
उल्लेखनीय आहे की, सुमारे 15 मुलींनी यापूर्वी 31 ऑगस्ट रोजी राष्ट्रपती द्रौपदी मुर्मू, पंतप्रधान नरेंद्र मोदी, भारताचे सरन्यायाधीश डीवाय चद्रचूड, राष्ट्रीय महिला आयोग आणि राज्य महिला आयोग आणि इतरांना या कथित भयंकर कृत्यांबाबत पत्रे लिहिली होती.
हरियाणातून मुलींवरील लैंगिक अत्याचाराची एक धक्कादायक घटना समोर आली आहे. इथल्या जिंदमधील एका सरकारी शाळेत शिकणाऱ्या तब्बल 142 अल्पवयीन मुलींनी मुख्याध्यापकावर सहा वर्षांच्या कालावधीत लैंगिक अत्याचार केल्याचा आरोप केला आहे. अधिकाऱ्यांनी बुधवारी याबाबत माहिती दिली. बुधवारी एएनआयशी बोलताना, जिंद जिल्ह्याचे उपायुक्त मोहम्मद इम्रान रझा म्हणाले, ‘उपविभागीय दंडाधिकारी (SDM) यांच्या नेतृत्वाखालील चौकशी समितीने एकूण 390 मुलींचे जबाब नोंदवले आहेत. मुलींवरील लैंगिक अत्याचाराबाबत पुढील कारवाईसाठी शिक्षण विभागाच्या उच्च अधिकाऱ्यांकडे 142 घटनांच्या तक्रारी पाठवल्या आहेत. या 142 मुलींपैकी बहुतांश मुलींनी मुख्याध्यापकांवर लैंगिक अत्याचाराचा आरोप केला तर बाकीच्यांनी या भीषण कृत्याचे साक्षीदार असल्याचे सांगितले. आरोपी मुख्याध्यापक सध्या तुरुंगात आहे.’
उल्लेखनीय आहे की, सुमारे 15 मुलींनी यापूर्वी 31 ऑगस्ट रोजी राष्ट्रपती द्रौपदी मुर्मू, पंतप्रधान नरेंद्र मोदी, भारताचे सरन्यायाधीश डीवाय चद्रचूड, राष्ट्रीय महिला आयोग आणि राज्य महिला आयोग आणि इतरांना या कथित भयंकर कृत्यांबाबत पत्रे लिहिली होती. 13 सप्टेंबर रोजी हरियाणा महिला आयोगाने या पत्राची दखल घेतली आणि दुसऱ्या दिवशी 14 सप्टेंबर रोजी ते जिंद पोलिसांकडे कारवाईसाठी पाठवले. पोलिसांनी या प्रकरणात 30 ऑक्टोबर रोजी एफआयआर दाखल केला. आरोपीला 4 नोव्हेंबर रोजी अटक करून 7 नोव्हेंबर रोजी न्यायालयात हजर केले असता, आरोपी मुख्याध्यापकाची न्यायालयीन कोठडीत रवानगी करण्यात आली. (हेही वाचा: Uttar Pradesh Shocker: गोरखपूर मध्ये छठपूजा करून परतणार्‍या दहावी मधील मुलीवर सामुहिक बलात्कार; 2 जण अटकेत)
Haryana Shocker: 142 Minor Girls at Government School Allege Sexual Assault by Principal Over 6 Years in Jind; Accused Behind Bars#Haryana #Jind https://t.co/sAXTD4CgmN
— LatestLY (@latestly) November 22, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 22, 2023 11:02 PM IST. For more news and updates on politics, world, sports, entertainment and lifestyle, log on to our website latestly.com).
