Gold Price Today: सोन्याच्या दरात सतत वाढ सुरु आहे. ऑल इंडिया बुलियन असोसिएशनच्या म्हणण्यानुसार, बुधवारी राष्ट्रीय राजधानीत सोन्याचा भाव 250 रुपयांनी वाढून 78,900 रुपये प्रति 10 ग्रॅम झाला. हा सोन्याचा नवा सार्वकालिक उच्चांक आहे. गेल्या ट्रेडिंग सत्रात सोने 78,650 रुपये प्रति 10 ग्रॅमवर ​​बंद झाले होते. यासह चांदीच्या दरातही मोठी उसळी दिसून आली. चांदीचा दर 1,000 रुपयांनी वाढून 93,500 रुपये प्रति किलो झाला. मंगळवारी चांदी 92,500 रुपये प्रति किलोवर बंद झाली होती.

अहवालानुसार, 99.5 टक्के शुद्धतेचे सोने 250 रुपयांनी वाढून 78,500 रुपये प्रति 10 ग्रॅम या नवीन विक्रमी पातळीवर पोहोचले, तर त्याची मागील किंमत 78,250 रुपये प्रति 10 ग्रॅम होती. स्थानिक ज्वेलर्सकडून सोन्याला जोरदार मागणी असल्याचे व्यापाऱ्यांचे म्हणणे आहे. याचे कारण लग्नाबरोबरच सणासुदीचा हंगाम हे आहे. याव्यतिरिक्त, इक्विटी मार्केटमध्ये घसरण झाली आहे, ज्यामुळे गुंतवणूकदार सोन्याकडे वळत आहेत कारण ते सर्वात सुरक्षित गुंतवणूक मानले जाते. सप्टेंबरमध्ये विक्रमी उच्चांक गाठल्यानंतर सोने किंचित स्थिर झाले होते. आंतरराष्ट्रीय बाजाराबद्दल बोलायचे झाले तर, न्यूयॉर्कमध्ये सोने 0.54 टक्क्यांनी वाढून $2,677.4 प्रति औंस आणि चांदी 1.10 टक्क्यांनी वाढून $31.89 प्रति औंसवर व्यवहार करत आहे. (हेही वाचा: India's Wholesale Inflation Rises: अन्नधान्य, उत्पादनाच्या किमतीत वाढ; सप्टेंबरमध्ये भारतातील घाऊक महागाई 1.84 टक्क्यांनी वाढली)

Gold Price Today-

 

 

 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)