Goa Assembly Elections: 2022 मध्ये भाजपा पूर्ण आणि आश्वासक बहुमताने गोव्यात सरकार बनवेल; देवेंद्र फडणवीस यांनी व्यक्त केला विश्वास

गोव्यामध्ये येत्या काही महिन्यात विधानसभा निवडणुका होणार आहेत. भाजप नेते देवेंद्र फडणवीस गोव्यातील भारतीय जनता पक्षाची निवडणूक रणनीती आणि तयारीची पाहणी करण्यासाठी 20 सप्टेंबरपासून दोन दिवसांच्या गोव्याच्या दौऱ्यावर आहेत. आता 2022 मध्ये भाजपा पूर्ण आणि आश्वासक बहुमताने गोव्यात सरकार बनवेल, अशा विश्वास त्यांनी व्यक्त केला आहे.

'मजबुत सरकार, मजबुत संघटन घेऊन भाजपा या विधानसभा निवडणुकीला सामोरे जाईल आणि ऐतिहासिक विजय आम्ही संपादन करू. देशाला पुढे नेण्याचे काम मा. पंतप्रधान नरेंद्र मोदीजींच्याच नेतृत्त्वात होऊ शकते, हे जनतेला कळाले आहे. काँग्रेससमोर अस्तित्त्वाचे संकट आहे, नेतृत्त्वाचे संकट आहे. आप केवळ पोस्टरबाजीत व्यस्त आहे. राज्य चालवायला आचार, विचार आणि नीती लागते.' असेही ते म्हणाले आहेत.